Luka 13:32 - MUKANDA USANDU WA ZAMBI 1975

³² Iye wambile kuli ayo ngwenyi, Yénu, nukambe kuli yoze mukuza ngwenu, Tala, nakutuhwisa andemoniu, nakuhindwisa musono ni hamene, ni ha tangwa liamuchitatu mungukamanununa wenyi wami.

Mukanda Wa Zambi 1970

³² Yesu ngwenyi: “Yeenu nwambile yoze mukuza, mukwa kushiha, ngwami: ‘Tala nakutuhwisa mwiku wa luchisa, nakuwuka musono ni hamene, mba ha tangwa lia muchitatu mungukamanununa milimo yami.’

Luka 13:32 Iomraidhean Croise

Mwaso Ubema Wahiana 2:15

Tukwachilenu mikuza aze, tumikuza tukepe tuze twakupihisa minda ya uva, mumu minda yetu ya uva yinatemuna yitemo.

Ezekiel 13:4

Enu A-Izalele, aprofeta jenu hapwa ngwe mikuza hakachi ka mazuwo a kupuzula.

Zefania 3:3

Akwa kuyula muchima lienyi kapwa ngwe ndumba a kuhiohia. Ngaji jenyi ngwe tungunga a ha chingoloshi waze kahichikile nichimwe ndo chimene.

Marku 6:14

Mwanangana Heronde wamuvwile lufuma; mumu jina lienyi liafumanyine: wambile ngwenyi, Yoano Chipapachisa hahinduka mukachi ka afu, kashika yipupu kakuyilinga kuli iye.

Yoano 10:32

Yesu waakumbulwile ngwenyi, Yitanga yinji yipema hingunanulweze ya kuli Tata; ha chitanga chika cha yize munungwashila mawe?

Yoano 19:30

Muze te kashika Yesu hatambula vinagre, wambile ngwenyi, Chinamanunuka: iye washachilile mutwe wenyi, wakunjikile Spiritu yenyi.

Hebreu 2:10

Mumu yoze, hali iye yuma yeswe kuyili, ni kuli iye yuma yeswe yakatuka, ha kuneha ana anji ku uhenya, chatamba kaputu ka ulamwino wo akamupwise mungunu ha kumona lamba.

Hebreu 5:9

Mba se hanamupwisa mungunu iye kapwa mwe Kaputu ka ulamwino wa mutolo kuli waze eswe akumwononokena.

Hebreu 7:28

Mumu shimbi kuyakupwisa atu asasendote akwa lutwe, waze anapu akwa kukokoloka; aiioze liji lia lie shingo, lize liapwile kulutwe lia shimbi, kuliasela mwe Mwana mungunu ndo ku miaka ya mutolo.