Luka 13:28 - MUKANDA USANDU WA ZAMBI 1975

²⁸ Kumukukapwa malilo ni kulikopola ku mazo, muze munumona Apalahama ni Izake ni Yakomba ni aprofeta eswe mu wanangana wa Zambi, ni yenwene manumbila haze.

Mukanda Wa Zambi 1970

²⁸ Kwenako munukalila nikulicheka ku mazo muze munukamona Abrahama, ni Isake, ni Yakoba, ni akwa munanyi eswe mu Wanangana wa Zambi, alioze yenu makanumbila haze!

Luka 13:28 Iomraidhean Croise

Miaso (Masamu) 112:10

Yingulungulu makachimona nikupihilila. Makalikopola ku mazo; makasangunuka, chize yingulungulu anazange kumuchikatoka.

Mateu 13:42

Makayimbila mu lutengo wa kahia: kumukukapwa malilo ni kulikopola ku mazo.

Mateu 13:50

O kumakaambila mu lutengo wa kahia: kumukukapwa malilo ni kulikopola ku mazo.

Mateu 22:13

Hohene mwanangana wambile kuli tuvumbi ngwenyi, Mukasenu molu ni moko, numumbile mu milima ya haze; kumukukapwa malilo ni kulikopola ku mazo.

Mateu 24:51

Mba kumakamupatula hakachi, makamusela chihanda hamwe ni yilembese: kumukukapwa malilo ni kulikopola ku mazo.

Mateu 25:30

Alioze mbilenu yono ndungo wamokomoko mu milima ya haze: kumukukapwa malilo ni kulikopola ku mazo.

Luka 10:15

Ni yena Kafwanaume, makakunangamisa ndo mwilu, nyi? Kumakakuhulumuna ndo ku Heteze.

Luka 14:15

Mba umwe wa kuli waze atwamine ku mesa hamwe nenyi ha kwivwa yino yuma, wambile kuli iye ngwenyi, Kawaha yoze makalia mbolo mu wanangana wa Zambi.

Luka 16:23

Iye mu Heteze yahetula meso jenyi mu upinjilo, yamona Apalahama kusuku ni Lazaru mu kondo yenyi.

2 A-TESALONIKA 1:5

Chenacho chinyingi pundu cha upatwilo wa ululi wa Zambi, hanga akanunyonge akwa kutela wanangana wa Zambi, uze nwakuvwila lamba;

2 Petulu 1:11

Mumu chocho, kumakanwaha unjililo Wahiana mu wanangana wa mutolo wa Mwene wetu kanda Chilamwina Yesu Kristu.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

Usolwelo 22:15

Haze atwama tuwa ni akwa kupanda, ni yitanji, ni yingalwe, ni akwa kukombelela mahamba, ni mweswawo wakufwila, wakutomba mahuza.