Luka 13:25 - MUKANDA USANDU WA ZAMBI 1975

²⁵ Muze te mwenya zuwo hakatuka, hajila pito, munuputuka kumana haze nikungongwela ha pito, nikwamba ngwenu, Mwene, Mwene, twazulwile kama; iye makakundulula akambe kuli yenu ngwenyi, Chanunyingikine kuze nunakatuka.

Mukanda Wa Zambi 1970

²⁵ “Muze mwenya zuwo makakatuka ni kwajila ku zuwo, yenwene munukamana haze. Munukabutuka kungongwela ku chajilo nikwamba ngwenu: ‘Mwene, Mwene, twazulwile!’ Neye makanukumbulula ngwenyi: ‘Chanyingikine kuze nunakatuka.’

Luka 13:25 Iomraidhean Croise

Ubutukilo 7:16

Waze anjilile te kuji ni chihwo a ku musunya weswe ngwe Zambi yamutuma. Mba Yehova yamwajililamo.

Miaso (Masamu) 32:6

Ha chikuma chino mweswe mukwa kuwayila akalembe kuli yena ha mwaka uze mahasa kukuwana. Chipwe muze meya a masanga masupwoka kechi kamuheta.

Izaya 55:6

Fupenu Yehova shimbu munuhasa kumuwana, mutambikenu shimbu achili hakamwihi.

Mateu 25:41

Hohene makamba nawa kuli waze ali ku chimeso ngwenyi, Katukenu kuli yami, yenu kunwashingiwa, nuye ku kahia ka mutolo kaze alulikile hali Ndiapu ni angelo jenyi.

Luka 13:27

iye kumakamba ngwenyi, Ngunanwambulwila ngwami, Chanunyingikine kuze nunakatuka; katukenu kuli yami, yenu eswe akwa kulinga uhenge.

Luka 3:8

Imenu kashika mihuko ya kutela kulikonyeka, kanda nuputuka kwamba mu mbunge jenu ngwenu, Apalahama tuli nenyi kulwetu; mumu ngunambe kuli yenu ngwami, Ku mawe ano Zambi kanahase kusangula ana kuli Apalahama.

Luka 6:46

Kuchi te nunanguvuluka ngwenu, Mwene, Mwene, alioze kunushi kulinga yuma yize ngunambe?

2 Korintu 6:2

(Mumu kanambe ngwenyi, Ha mwaka upema nahalakanyine kuli yena, ha tangwa lia ulamwino nakupulwile: tala, haliapwila we mwaka upema chikolo; tala, haliapwila lie tangwa lia ulamwino:)

Hebreu 12:17

Mumu nunanyingika chipwe kulutwe, muze azangile kuhinga uwape, alitunyineye; (mumu kawanyine muhela akalikonyeke), chipwe waufupile chikolo ni masoji.