Luka 13:24 - MUKANDA USANDU WA ZAMBI 1975

²⁴ Litachikenu kunjila ku chikolo chikehe; mumu anji, ngwami, Makafupa kunjilamo, alioze kechi kahasa.

Mukanda Wa Zambi 1970

²⁴ “Litachikenu kunjila ku chikolo chikepe, mumu ngunanwambe ngwami, anji maakazanga kunjila mo, alioze keechi kahasa.

Luka 13:24 Iomraidhean Croise

Yishima 14:6

Mukwa kulenya kakufupa mana hindu kaawanyine; alioze kuli mukwa malinjekela kuwana yinyingi chapwa chashi.

Yishima 21:25

Usolo wa chileya kuwakumushiha; mumu moko jenyi kasolo kuhondangana.

Longeshi 10:15

Kuhondangana cha chihepuke chakumuhongesa, chocho kanyingikine jila ya kuya ku chihunda.

Izaya 1:15

Muze munuzoza moko jenu, mungunuswekela meso jami; chipwe munulemba lembie-e-e, chichi kunwivwa. Moko jenu hazala ni manyinga.

Ezekiel 33:31

Kakwizaza kuli yena ngwe atu kakwiza; kakutwama kumeso je ngwe atu jami. Kakwivwa chize muwamba, alioze kechi kuchilinga; mumu kakusolola zango linji ku mivumbo yo, alioze mbunge jo hanajise ku kufumbula.

Mateu 11:12

Chize ku matangwa ja Yoano Chipapachisa ndo haliapwila kakutambula wanangana wa malilu ni tachi, ni akwa tachi kakuutambula ni tachi.

Luka 13:23

Mba umwe wambile kuli iye ngwenyi, Mwene, waze maalamwina akehe, nyi? Wambile kuli ayo ngwenyi,

Luka 21:36

Alioze lenu ha shimbu lieswe, nikuliumba, hanga nukakumbe, nupuluke ku yino yuma yeswe kumuyikapwa, nukamane kumeso ja mwe Mwana Mutu.

Yoano 13:33

Ana akepe, shimbu likepe wika yami nguli hamwe ni yenu. Kumunukangufupa: chizechene ngwe nambile kuli A-Yunda ngwami, Kuze munguya yami, yenu kunwahashile kuyako: chocho ngunambe kuli yenu haliapwila.

Yoano 5:4

mumu mungelo wa Mwene wahulumukine ha mwaka ni mwaka ku Chitende, nikufujisa meya: ni mweswawo waliangile kunjilamo kulutwe lia kufuza cha meya, wapwile mungunu ku musongo weswawo wakwachikile nawo.

Yoano 6:27

Kanda nukalinga milimo ha kulia chize cha kutoka, alioze nukalinge milimo ha kulia chize chili ni mwono wa mutolo, chenacho mwe Mwana Mutu makanwaha: mumu iye, Zambi mwe Tata hanamujiki ni Chijikilo.

Yoano 7:34

Kumunukangufupa, kunuchi kanguwana: ni kuze nguli kunwahashile kwizako.

Yoano 8:21

Yesu kashika wambile kuli ayo cheka nawa ngwenyi, Munguya kwami, kumunukangufupa, munukafwa mu milonga yenu: ni kuze munguya, kunwahashile kuhetako.

A-ROMA 10:3

Mumu kakwalajala ha ululi wa Zambi, kakufupa kukolesa ululi wo ene, kalizeyesele ku ululi wa Zambi.

Kolosu 1:29

Ha chino nawa nakukilikita nikulitachika, nikulita ni kulinga chenyi chize chakulinga muli yami ni tachi.

Hebreu 4:11

Tulipupwisenu kashika kunjila mu uhwimino uze, hanga niumwe kechi kalimbuka ni cheseko chimuwika cha uhulia.

Yoshua 7:3

Yeza kuli Yoshua nawa ngwo, Kanda aya atu eswe, alioze hanji tununu aali hanji atatu a malunga akanduke akase jita ni Ayi. Kanda ukatalisa atu eswe nikwakaadwisako mumu atu akepe aliko.

2 Petulu 1:10

Kashika, mandumbu, lipupwisenu kukolesa chinyingi cha kwamba ngwenu, Hanatutambika, hanatutongola; mumu kachi munulinga yino yuma kachi kunuchi kalimbuka nilimwe tangwa.