Luka 13:17 - MUKANDA USANDU WA ZAMBI 1975

¹⁷ Shimbu ahanjikile yino yuma, akwa kulimika nenyi eswe evwile sonyi; ni mbunga awahililile ha yuma ya uhenya yize yeswe alingile iye.

Mukanda Wa Zambi 1970

¹⁷ Kumbululo lino lia Yesu yilivwisa akwa kole jenyi sonyi, alioze mbunga yeswe yaawahilila ha yitanga yeswe yakulishimwoka yize alingile Yesu.

Luka 13:17 Iomraidhean Croise

Miaso (Masamu) 109:29

Akwa kulimika ni yami akaafuke ni kulelesa. Akalifuke ene ni sonyi jo ngwe malifuka ni hina.

Miaso (Masamu) 111:3

Chitanga chenyi uhenya ni ulamba. Ululi wenyi wa mutolo.

Miaso (Masamu) 132:18

Akwa kole jenyi mungwajika ni sonyi, alioze hali iye mwene chipangula chenyi muchikahenya.

Miaso (Masamu) 40:14

Waze eswe akufupa mwono wami kuwonwona akevwe sonyi, alitupieke hamuwika. Akachinduluke, akasauke, waze akuwahilila ha yikola yami.

Kutuhuka 15:11

Yehova—hakachi ka tuzambi walita ni yena iya? Walita ni yena iya? Mulemu ni musandu—yena. Ha kukuhalisa, kole ni woma yena. Kuwakulinga yikomokeso.

Izaya 4:2

Ha tangwa lize mutango wa Yehova muukapwa upema wa uhenya, ni mihuko ya chifuchi muyipwa uhenya wa kulisamba nawo wa waze anasala mu Izalele.

Izaya 45:24

Kumakachamba ha kutwala kuli yami ngwo, Muli Yehova wika mwatwama ululi ni tachi. Waze eswe amuvwilile wuli kumeza kuli iye ni sonyi.

Izaya 66:5

Panjikenu liji lia Yehova, yenu nwakuchikimina liji lienyi, ngwami, Usoko wenu waze akunuvwila kole ni kunumbila mumu ha jina liami, o hanambe ngwo, Yehova afumane, hanga tukamone uwahililo wenu. Alioze o mevwa sonyi.

Luka 14:6

O kahashile kumukumbulula nawa ha yino yuma.

Luka 18:43

Haze hene walawile ku meso, wamukawile, nikuchichimieka Zambi; ni atu eswe, muze achimwene, ahanyine uhaliso kuli Zambi.

Luka 19:48

Alioze kawanyine chize mahasa kulinga; mumu atu eswe amupanjikile ni mbunge yeswe.

Luka 20:40

O kahamukine nawa kumuhula nichimwe.

Yilinga 4:21

Muze te haomisa nawa, aechele kuya, se kawanyine chuma nichimwe ngwe chize mahasa kwalamba, mumu ha mukunda wa atu; mumu eswe achichimiekene Zambi ha chize alingile.

2 Timoteu 3:9

Alioze kechi kasenya kulutwe nawa; mumu uzuzuke wo kumuukasoloka kuli atu eswe, chizechene ngwe uzuzuke wa waze nawa wasolokele.

Titu 2:8

kuhanjika chingunu, chize kuchishi kuhasa kuhia; hanga akavwise sonyi mweswe malimika, se keshi chuma chipi nichimwe cha kwamba hali yetu.

1 Petulu 3:16

Pwenu ni mbunge yipema: hanga ha chize manwamba chipi ngwe akwa kulinga yipi, akevwe sonyi, waze akusaula kwenda chenu chipema muli Kristu.