Luka 13:16 - MUKANDA USANDU WA ZAMBI 1975

¹⁶ Mba yono pwo, se iye mwana wa Apalahama, yoze Satana hanamukase kumi lia miaka ni miaka nake! kuchatambile kumutusula ku kana lino ha tangwa lia Sambata, nyi?

Mukanda Wa Zambi 1970

¹⁶ Pwo yono, wa ku vungu lia Abrahama, yoze Sakwonga akashile miaka kumi ni nake, kuchatambile kumujitula ku ngoji jenyi ha tangwa lia kuhwima, nyi?”

Luka 13:16 Iomraidhean Croise

Miaso (Masamu) 107:14

Waachijile ku milima ni ku Chizulie cha kufwa. Wapatwile malenge jo tuyipatupatu.

Mateu 4:10

Hohene Yesu yamba kuli iye ngwenyi, Sosolokako Satana: mumu chinasonewa ngwo, Ukawayile Mwene Zambi ye, iye wika ukamulingile.

Marku 2:27

Iye wambile kuli ayo ngwenyi, Atangile Sambata hali atu, hi atu ko ha Sambata:

Luka 16:24

Iye watambikile ngwenyi, Kaka Apalahama, nguvwile kama keke, utume Lazaru, hanga achupike songo lia munwe wenyi mu meya, akekemese limi liami; mumu ngunapinji mu mulengi uno.

Luka 19:9

Yesu wambile kuli iye ngwenyi, Musono ulamwino hiweza ku zuwo lino, mumu iye nawa mwana Apalahama.

Luka 3:8

Imenu kashika mihuko ya kutela kulikonyeka, kanda nuputuka kwamba mu mbunge jenu ngwenu, Apalahama tuli nenyi kulwetu; mumu ngunambe kuli yenu ngwami, Ku mawe ano Zambi kanahase kusangula ana kuli Apalahama.

Yoano 8:44

Yenu nuli a kuli tatenu Ndiapu, nwakuzanga kulinga usolo wa tatenu. Iye wapwile chingalwe chize ku uputukilo, kamanyine mu umwenemwene, mumu umwenemwene wakuhi muli iye, niumwe. Muze mahanjika mahuza, kanahanjika nichenyi mwene; mumu iye mukwa mahuza ni mwe tato ya mahuza.

Yilinga 13:26

Mandumbu, ana ja munyachi wa Apalahama, ni waze hakachi kenu akwivwa woma wa Zambi, kuli yetu liji lia ulamwino uno linatumiwa.

2 Timoteu 2:26

Akalaule, akachine ku kambwila lia Ndiapu, (waze hanakwachika kuli iye mukulinga upale wenyi).