Luka 13:15 - MUKANDA USANDU WA ZAMBI 1975

¹⁵ Alioze Mwene wamukumbulwile ngwenyi, Yenu yilembese, mweswe hakachi kenu kakujitula ngombe yenyi, hanji chimbulu chenyi, ku chililo ha tangwa lia Sambata, akamutwale ku meya.

Mukanda Wa Zambi 1970

¹⁵ Mwene yamukumbulula ngwenyi: “Mhmm! Yenu yilembekese! Mutu mweswe hakachi kenu kakujitula ngombe yenyi hanji chimbulu chenyi ku chililo nikumutwala ku meya ha tangwa lia kuhwima, hi chocho ko?

Luka 13:15 Iomraidhean Croise

Jobe 34:30

hanga chitanganyanyi kechi kuyula kuchina matalingisa e atu.

Yishima 11:9

Ni kanwa lienyi chilembese kakwonwona mwenyembo wenyi; alioze ku yinyingi kumakapulula akwa ululi.

Izaya 29:20

Mumu chiswi makahwa ni mukwa kulenya malitwamina, ni waze eswe a kujikinyina kulinga chipi makaateta,

Mateu 15:14

Ahichikenu: tupuputa kanafupu kusongwela tupuputa, nyi kachi kapuputa masongwela kapuputa, eswe aali kumakalimbukila mu wina.

Mateu 15:7

Enu yilembese, Izaia waprofetezele kanawa hali yenu ngwenyi,

Mateu 23:13

Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.

Mateu 23:28

Chochene ni yenu nawa haze nunasoloka ngwe akwa ululi kuli atu, alioze muchima nunazala tò ni ulembekese ni uhulia.

Mateu 7:5

Chilembese, Uliange kuchiza mukambo mu liso lie; mba mumona kanawa kuchiza koma mu liso lia mukwenu.

Luka 12:1

Muze tununu anji akungulukile chocho aliachile umwe hali mukwo, waputukile kwamba kuli tumbaji twenyi kuliangila ngwenyi, Keyelenu futunwiso ya A-Fwariseu, yenayo ulembese.

Luka 14:5

Iye wambile kuli ayo ngwenyi, Iya hakachi kenu mapwa ni chimbulu hanji ngombe, yoze maholokela mu wina, keshi kumuchizamo haze hene ha tangwa lia Sambata?

Luka 6:42

Hanji ngwe kuchi muhasa kwamba kuli mukwenu ngwe, Mukwetu, nguchize koma kaze kali mu liso lie, muze yena mwene kushi kumona mukambo uze uli mu liso lie? Chilembese, Uliange kuchiza mukambo mu liso lie, mba mumona kanawa kuchiza koma kaze kali mu liso lia mukwenu.

Luka 7:13

Muze Mwene amumwene, wamuvwilile keke, wambile kuli iye ngwenyi, Kanda ulila.

Luka 7:19

Mba Yoano watambikile aali a kuli tumbaji, waatumine kuli Yesu, ngwenyi, Shina yena uli yoze meza, nyi? Shina mutatalatala mukwo?