Luka 13:14 - MUKANDA USANDU WA ZAMBI 1975

¹⁴ Alioze mukwa kuyula sunangonga te kanevu kupiha, mumu Yesu wawukile ha tangwa lia Sambata, wakumbulwile ku mbunga ngwenyi, Kwali matangwa asambano a milimo, kashika nwize ha matangwa aze anuwuke, hi ha Sambata ko.

Mukanda Wa Zambi 1970

¹⁴ Alioze mukwa kuyula zuwo lia kuwayila yevwa wuli ha chize Yesu awukile mutu ha tangwa lia kuhwima. Mba yambila mbunga ngwenyi: “Tukwete matangwa asambano a milimo. Tweyenu, kashika, ni kunuwuka ha matangwa waze, alioze hi ha tangwa lia kuhwima ko!”

Luka 13:14 Iomraidhean Croise

Kutuhuka 20:9

Ukahondangane matangwa asambano. Ukalingeho milimo ye yeswe.

Kutuhuka 23:12

Ha matangwa asambano ukalinge milimo ye. Ha tangwa liamuchishimbiali hikuhwima, ni ngombe ye, ni chimbulu che akahwime, hanga mwana wa ndungo ye wa pwo ni njize akasanguluke.

Ezekiel 20:12

Chikwo nawa naahele masambata jami akapwe yilayi hakachi ka yami ni ayo akanyingike yami Yehova nakwasela ku usandu.

Ezekiel 34:21

Mumu nwakushinjika ni pachi ni chipaya, ni kuchoka akwa upekepeke ni mbinga jenu ndo hinwaamwanga mwamwa,

Alevi 23:3

munulinga milimo ha matangwa asambano alioze liamuchishimbiali mulipwa Sambata yilemu ya kuhwima. Munupwa ni chikungulwila chisandu, kanda nulinga milimo niyimwe mumu muyipwa Sambata ya Yehova kweswako munutwama.

Mateu 12:2

Alioze A-Fwariseu muze achimwene, ambile kuli iye ngwo, Tala, tumbaji twe kanalingi chize kuchalitele ni shimbi kulinga ha tangwa lia Sambata.

Marku 5:22

Mba, umwe wa kuli akwa kuyula sunangonga, jina lienyi Yaru, yeza; iye ha kumumona, yafulamana ku yiliato yenyi.

Luka 6:11

Alioze o azalile tò ni ufwatulo, ahanjikile umwe kuli mukwo ha chize malinga kuli Yesu.

Luka 6:7

Akwa kusonyeka ni A-Fwariseu amulayilile, kachi mawuka ha tangwa lia Sambata, hanga akawane chitela muli iye.

Luka 8:41

Kumanyi, lunga wejile, jina lienyi Yara, iye wapwile mukwa kuyula sunangonga, wafulamanyine ku yiliato ya Yesu, waliumbile kuli iye, eze ku zuwo lienyi;

Yilinga 13:15

Kulutwe lia kutanga cha shimbi ni mikanda ya aprofeta, akwa kuyula sunangonga atumine kuli ayo, ngwo, Mandumbu, kachi liji limwe lia kushinjila atu nuli nalio, ambenu.

Yilinga 18:17

O eswe akwachile Sosetene, mukwa kuyula sunangonga, amulambile kulutwe lia chitwamo cha upatwilo, ni Ngaliu kasele mbunge ha nichimwe cha ku yino yuma.

Yilinga 18:8

Alioze Krisepu, mukwa kuyula sunangonga, wafulielele Mwene, ni akwa zuwo lienyi eswe; ni anji a kuli A-Korindu, ha kwivwa, yafuliela, yaapapachisa.

A-ROMA 10:2

Mumu nakushindakenya hali ayo ngwami, Kulinga ni mbunge yeswe hali Zambi kali nacho, alioze hi nikulita ni chinyingi ko.

Shimbi 5:13

Ukahondangane matangwa asambano. Ukalingeho milimo ye yeswe.