Luka 13:11 - MUKANDA USANDU WA ZAMBI 1975

¹¹ Kumanyi, pwo umwe wapwile ni Spiritu ya kukokoloka kumi lia miaka ni miaka nake, iye wafumbamine, kahashile kuhetuka nichimwe.

Mukanda Wa Zambi 1970

¹¹ Kuma umwe pwo wabwile mo, te wayiza miaka kumi ni nake. Yabwa ni mwiku wa luchisa uze wamufumbamishine, kahashile nichimwe kuhetuka.

Luka 13:11 Iomraidhean Croise

Jobe 2:7

Chocho Satana yakatuka kumeso ja Yehova; yalamba Jo ni mahute api, chize ku yiliato ndo ku mbanda-mutwe.

Miaso (Masamu) 145:14

Yehova kakujikijisa waze eswe akulimbuka. Kakuhetula waze eswe anafumbama.

Miaso (Masamu) 146:8

Yehova kakulawisa meso ja tupuputa. Yehova kakuhetula akwa kufumbama. Yehova kakuzanga akwa ululi.

Miaso (Masamu) 38:6

Ngunapinji, ngunafumbama chikolo. Nakulinyenga tangwa lieswe nganganga.

Miaso (Masamu) 42:5

Mbunge yami, yika unahongela? Kuchi te unapinji muli yami? Talatala kuli Zambi, mumu mungwiza kumuhalisa ha kungukwasa kumeso jenyi.

Miaso (Masamu) 6:2

Nguvwile kama vumbi Yehova, mumu nguli mulelu. Yehova nguwuke kama mumu yifwaha yami yinachikima.

Mateu 4:23

Yesu wayile nikujingajinga mu Ngalileya mweswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe, ni weji weswe hakachi ka atu.

Marku 9:21

Iye wahulile tato ngwenyi, Miaka yingahi anatwama chocho? Iye wambile ngwenyi, Chize ku wanuke wenyi.

Luka 13:12

Muze Yesu amumwene, wamutambikile ngwenyi, Pwo, unatusuka ku kukokoloka che.

Luka 13:16

Mba yono pwo, se iye mwana wa Apalahama, yoze Satana hanamukase kumi lia miaka ni miaka nake! kuchatambile kumutusula ku kana lino ha tangwa lia Sambata, nyi?

Luka 21:28

Muze yino yuma muyiputuka kupwa, hetukenu, nutale kwilu; mumu ukule wenu unakundama.

Luka 8:2

Mba amwe mapwo waze aawukile kuli maspiritu a ungulungulu, hi ku kukokoloka: ngwo, Maria jina likwo Ka-Mandala, kuli iye andemoniu shimbiali atuhukile.

Luka 8:27

Muze atuhukile hashi, umwe lunga wa ku limbo watakanyine nenyi, mwenawo wapwile ni andemoniu shimbu linene, kazalile hina, katwamine mu zuwo, alioze hakachi ka chifuka.

Luka 8:43

Ni pwo, yoze wapwile ni musongo wa kuhita manyinga kumi lia miaka ni miaka yiali, mwenawo wahwishile kulu yikumba yenyi yeswe kuli mbuki, alioze kahashile kumuwuka niumwe.

Yilinga 3:2

Mba umwe lunga, chilema chize ku jimo lia naye, apwile nikumumbata, nikumusela tangwa ha tangwa ku chikolo cha tembele, jina liacho, Chipema, mukwita yawana kuli waze manjila mu tembele;

Yilinga 4:22

Mumu yoze mutu hali iye alingile chilayi chino cha kuhindwisa, hahiana kulu makumi awana a miaka.