Luka 12:9 - MUKANDA USANDU WA ZAMBI 1975

⁹ Alioze yoze malikata yami kumeso ja atu, kumakalikalaye liakulu kumeso ja angelo ja Zambi.

Mukanda Wa Zambi 1970

⁹ Alioze yoze mangulikala ku meso ja atu, ni yami Mwana Mutu nawa mungulikala ye ku meso ja tunganda a Zambi.

Luka 12:9 Iomraidhean Croise

Mateu 10:33

Alioze mweswawo malikata yami kumeso ja atu, yami nawa kumungukalikalaye kumeso ja Tata yoze uli mu malilu.

Mateu 25:12

Alioze iye wakumbulwile ngwenyi, Pundu ngunambe kuli yenu ngwami, Chanunyingikine.

Mateu 25:31

Alioze muze mwe Mwana Mutu meza mu uhenya wenyi, ni angelo asandu eswe hamwe nenyi, hohene makatwama ha ngunja yenyi ya uhenya:

Mateu 25:41

Hohene makamba nawa kuli waze ali ku chimeso ngwenyi, Katukenu kuli yami, yenu kunwashingiwa, nuye ku kahia ka mutolo kaze alulikile hali Ndiapu ni angelo jenyi.

Mateu 7:23

Hohene mungukaakumbulula ngwami, Chanunyingikine nilimwe tangwa: katukenu kuli yami, yenu, nwakulinga uhulia.

Marku 8:38

Mumu mweswawo manguvwila sonyi yami, hanji ha maliji jami hakachi ka chisemuko chino cha utanji kanda cha shili, mwe Mwana Mutu nawa kumakamuvwila sonyi, muze meza mu uhenya wa Tato hamwe ni angelo asandu.

Luka 15:10

Chizechene ngwami, Uwahililo kuuli kumeso ja angelo ja Zambi ha chivulumunyi umuwika yoze malikonyeka.

Luka 22:57

Alioze walikalile, ngwenyi, Pwo, chamunyingikine.

Luka 9:26

Mumu mweswawo mevwa sonyi hali yami ni ha maliji jami, mwe Mwana Mutu kumakamuvwila sonyi, muze meza mu uhenya wenyi mwene, ni wa Tato, ni wa angelo asandu.

2 Timoteu 2:12

Kachi mutunyongonona mu lamba kachi mutukayula hamwe nenyi nawa: kachi mutulikala iye, kachi iye nawa makalikala yetu.

1 Yoano 2:23

Mweswawo malikala mwe Mwana keshi ni mwe Tata nawa: yoze matayiza mwe Mwana, kali ni mwe Tata nawa.

1 Yoano 2:28

Haliapwila, ana akepe, twamenu muli iye; hanga muze makamusolola, tukapwe ni hamu, kutuchi kevwa sonyi kumeso jenyi ha kuheta chenyi.

Usolwelo 3:8

Ngunanyingika yitanga ye, (tala, hingunase kumeso je pito lia kwazulula, lize niumwe mahasa kwájila), ngwami, Tachi jikepe ukwete, hiunafungu liji liami, kwalikalile jina liami.