Luka 12:8 - MUKANDA USANDU WA ZAMBI 1975

⁸ Alioze ngunambe kuli yenu ngwami, Mweswawo mangutayiza kumeso ja atu, mwe Mwana Mutu kumakamutayiza nawa kumeso ja angelo ja Zambi.

Mukanda Wa Zambi 1970

⁸ “Ngunanwambe ngwami, yoze mangutayiza ku meso ja atu, ni yami Mwana Mutu nawa mungumutayiza ku meso ja tunganda a Zambi.

Luka 12:8 Iomraidhean Croise

Miaso (Masamu) 119:46

Munguvuluka Shindakenyo je kumeso ja mianangana nawa; chichi kwivwa sonyi.

Mateu 8:20

Yesu yamba kuli iye ngwenyi, Mikuza kali ni mena, tujila a mwilu kali ni yaswa; alioze mwe Mwana Mutu keshi haze ha kushachila mutwe wenyi.

Luka 15:10

Chizechene ngwami, Uwahililo kuuli kumeso ja angelo ja Zambi ha chivulumunyi umuwika yoze malikonyeka.

2 Timoteu 2:12

Kachi mutunyongonona mu lamba kachi mutukayula hamwe nenyi nawa: kachi mutulikala iye, kachi iye nawa makalikala yetu.

1 Yoano 2:23

Mweswawo malikala mwe Mwana keshi ni mwe Tata nawa: yoze matayiza mwe Mwana, kali ni mwe Tata nawa.

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.

Usolwelo 2:13

Ngunanyingika kuze yena watwama, kuze ngunja ya Satana yili; ni yena wakulalaminya ku jina liami, kwalikalile Ufulielo wami, chipwe ha matangwa ja Andipa, chela chami wa jika, yoze amushihile hakachi kenu, kuze atwama Satana.

1 Samuel 2:30

Kashika Yehova Zambi ya Izalele kanambe ngwenyi, Chamwenemwene nambile ngwami, Munyachi we ni munyachi wa tatenu kumakenda kumeso jami ndo ku miaka ya mutolo. Alioze haliapwila Yehova kanambe ngwenyi, Chikapwe kusuku ni yami, mumu waze mangulemesa ni yami mungwalemesa, alioze waze mangulelesa kumakasauka.