Luka 12:5 - MUKANDA USANDU WA ZAMBI 1975

⁵ Alioze mungunutoweza yoze nukamuvwile woma, muvwilenu woma, yoze kulutwe lia kushiha, akwete chiyulo cha kumbila mu Ngehena; ewa, ngunambe kuli yenu ngwami, muvwilenu woma yoze!

Mukanda Wa Zambi 1970

⁵ Mungunulweza yoze chatamba kuvwila woma. Muvwilenu Zambi woma, yoze muze hashiha, chiyulo akwete cha kumbila mu kahia. Ewa, ngwami, mwenawo chanutamba kuvwila woma!

Luka 12:5 Iomraidhean Croise

Miaso (Masamu) 9:17

Yingulungulu kumakaambila mu Shiole, ewa, ni mavungu eswe akavulama Zambi.

Yishima 14:26

Mu woma wa Yehova muli kujikiza chinji, mba muchipwa uchinyino wa ana jenyi.

Jeremia 10:7

Iya kechi kukuvwila woma, ena Mwanangana wa mavungu? Chino chinakute mumu hakachi ka akwa mana a mavungu ni mu yifuchi yo kukushi umwe walita ni yena.

Jeremia 41:18

mumu ha mukunda wa A-Kaletea. Aavwilile woma mumu Ishemali mwana Netania hashiha Gedalia mwana Ahikame, yoze mwanangana wa Babilonia hasela kuyula chifuchi.

Jeremia 5:22

Yehova kanambe ngwenyi, Kunwanguvwilile woma nyi? Kunwachikimine kumeso jami nyi? Nasele masekeseke akapwe njiza ya kalunga-lwiji, chikwiko cha miaka yeswe kahashile kupalika. Chipwe mikanya muyilifwita hindu kuyahashile kukumba, chipwe muyichungula hindu kuyichi kupalika helu.

Mateu 10:28

Kanda nukavwila woma waze akushiha mujimba, hindu kahashile kushiha alma: alioze Shinaho muvwilenu woma yoze mahasa kwonwona ni alma ni mujimba mu Ngehena.

Mateu 25:41

Hohene makamba nawa kuli waze ali ku chimeso ngwenyi, Katukenu kuli yami, yenu kunwashingiwa, nuye ku kahia ka mutolo kaze alulikile hali Ndiapu ni angelo jenyi.

Mateu 25:46

Wano kumakaya ku lamba lia mutolo, alioze akwa ululi ku mwono wa mutolo.

Mateu 5:22

Alioze yami ngunambe kuli yenu ngwami, Mweswawo matenuka ni mukwo matela upatwilo; ni mweswawo mamba kuli mukwo ngwenyi, Raka! matela upatwilo unene; ni mweswawo mamba ngwenyi, Yena chihepuke! matela upatwilo wa Ngehena ya kahia.

Marku 13:23

Alioze yenu, kanyamenu: hingunanwambulwila yuma yeswe shimbu kanda.

1 Tesalonika 4:6

Niumwe kanda ahiana akavulumune ndumbwenyi ha chuma chino: mumu Mwene iye mukwa kukala yino yuma yeswe, chizechene ngwe twanwambulwilile kulu twashindakenyene chikolo.

Hebreu 10:31

Kuholokela mu moko ja Zambi ya mwono, chuma cha kukolesa woma.

2 Petulu 2:4

Mumu kachi Zambi kavwilile keke angelo muze avulumwine, aiioze waanyashine mu Tartaru, waakunjikile ku malenge ja milima mukwafunga ndo ku upatwilo.

Usolwelo 14:7

Iye yamba ni liji linene ngwenyi, Ivwenu woma wa Zambi, numuchichimieke; mumu ola ya upatwilo wenyi hiyeza: wayilenu yoze watangile lilu ni hashi ni kalunga-lwiji ni mafuji ja meya.

Usolwelo 15:4

Mwene, iya kechi kakuvwila woma, iya kechi kuchichimieka jina lie? Mumu yena wika uli musandu; mumu mavungu eswe kumakawayila kumeso je; mumu yilinga ye ya ululi hanayisolola.

Usolwelo 20:14

Ni kufwa ni Heteze aanyashine mu Chitende cha kahia. Chino che kufwa chamuchiali, che Chitende cha kahia.