Luka 12:47 - MUKANDA USANDU WA ZAMBI 1975

⁴⁷ Alioze ndungo yoze wanyingikine upale wa mwene wenyi, hindu kalulikileko, kalingile upale wenyi, kumamulamba ni mijiji yinji.

Mukanda Wa Zambi 1970

⁴⁷ “Kavumbi yoze wanyingika upale wa mwata wenyi, alioze keshi kulilulika, ni keshi kuulinga, mwe mwata makalamba kavumbi yoze ni mijiji yinji.

Luka 12:47 Iomraidhean Croise

Ezekiel 9:6

Shihenu pundu makulwana ja malunga, ni akweze, ni ana-mapwo, ni twanuke, ni mapwo, alioze kanda nusunga niumwe yoze uli ni mufunda. Putukenu ku zuwo liami lisandu. Chocho yaputuka te ni makulwana waze apwile kulutwe lia zuwo.

Luka 12:41

Petulu wambile ngwenyi, Mwene, unahanjika chishima kuli yetu nyi, shina kuli eswe nawa?

Luka 12:46

Mwenya ndungo yoze kumakeza ha tangwa lize keshi kutalatala, ni ha ola yize kachinyingikine, kumamupatula mukachi, mamusela chihanda ni waze kafulielele.

Yoano 12:48

Yoze malituna yami, keshi Kutambula maliji jami, kali ni yoze mamupatwila: liji lize nahanjikile, lienalio kumulikamupatwila ha tangwa lia kusula.

Yoano 19:11

Yesu wakumbulwile ngwenyi, Kushi chiyulo nichimwe hali yami kachi kakuhelecho kwilu; kashika yoze wangukunjikanga kuli yena, mulonga Wahiana ali nawo.

Yoano 9:41

Yesu wambile kuli ayo ngwenyi, Kachi nuli tupuputa, kachi kunushi mulonga: alioze haliapwila nunambe ngwenu, Tunamono: kashika mulonga wenu kuunasala.

Yilinga 17:30

Miaka ya kwalajala kashika Zambi walihumikijine nayo; alioze haliapwila kakwamba atu eswe kweswe alikonyeke.

Tiangu (Jake) 4:17

Kashika kuli yoze manyingika kulinga kanawa, aiioze keshi kuchilinga, kuli iye kuchapwa shili.