Luka 12:42 - MUKANDA USANDU WA ZAMBI 1975

⁴² Mwene ngwenyi, Iya kevwe kaselo wamwenemwene, wa kukanyama, yoze mwene wenyi masa helu lia akwa zuwo lienyi, mukuhana njongo yo ya kulia ha mwaka wayo?

Mukanda Wa Zambi 1970

⁴² Mwene ngwenyi: “Iya kevwe, kavumbi wakushishika kanda wakukanyama? Yoze mwata wenyi hanamwehe chiyulo cha kutetela tuvumbi ni akwo, a ku zuwo lienyi, yakulia ha ola yize yinalite.

Luka 12:42 Iomraidhean Croise

Kutuhuka 36:4

Malunga eswe akwa mana alingile ye milimo yeswe ya muma musandu, yakatuka, lunga mweswe ku milimo yize analingi,

Yishima 12:8

Makachichimieka lunga nikulita ni mana jenyi; alioze makalelesa mukwa mbunge ya kupiya.

Yishima 15:23

Lunga kakuwahilila ni kumbululo lia kanwa lienyi. Liji lia ha ola ya kulita, kuwahalio.

Yishima 27:18

Mukwa kufunga mukuyu malia mihuko yawo; yoze mavumbika kako makamulemesa.

Yishima 31:15

Kakulimeneka shimbu kuchili ufuku; kakuhana kulia kuli akwa zuwo lienyi; kakutetiela ana-mapwo jenyi milimo yo.

Izaya 50:4

Mwene Yehova hanangwehe limi lia mukwa kulongoloka, hanga ngukanyingike kukolesa mukwa yikatalo ni liji. Tangwa ha tangwa ha chimene kakulawisa; kakulawisa twitwi liami ngwivwe ngwe akwa kulongoloka.

Jeremia 23:4

Mungwasela tufunga waze maafunga mba kechi kevwa nawa woma chipwe kulishimwoka. Niumwe makahona nawa. Chocho kanambe Yehova.

Ezekiel 34:3

Enu nwakulia maji, nwakulijika ni wona wo, nwakushiha e akwa maji, alioze kulisa kunwalishile mapanga.

Mateu 13:52

Wambile kuli ayo ngwenyi, Kashika mukwa kusonyeka mweswe wakufumbiwa ku wanangana wa malilu, kanapu ngwe mwenya zuwo, yoze masolola ku upite wenyi yuma yaha ni yuma yikulu.

Mateu 20:8

Muze hapwile chingoloshi, mwenya munda yamba kuli kafufuchi kenyi ngwenyi, Tambika akwa milimo, ukaafwete. Putuka kuli mukwa kusula ndo kuli atangu.

Luka 12:43

Kawaha ndungo yoze, mwene wenyi muze meza mamuwana kanalingi chocho.

Luka 7:13

Muze Mwene amumwene, wamuvwilile keke, wambile kuli iye ngwenyi, Kanda ulila.

Luka 7:19

Mba Yoano watambikile aali a kuli tumbaji, waatumine kuli Yesu, ngwenyi, Shina yena uli yoze meza, nyi? Shina mutatalatala mukwo?

Yilinga 20:28

Keyelenu kuli yenwene, ni ku mbunga yeswe ya mapanga, yize Spiritu Musandu hananuse tulayi, mukufunga chikungulwila cha Zambi, chize azukile ni manyinga jenyi mwene.

1 Timoteu 3:15

Alioze kachi munguvumiwa chikolo, hanga ukanyingike ngwe chatamba kwenda mu zuwo lia Zambi, che chikungulwila cha Zambi ya mwono, lie nguji ni fundamentu ya umwenemwene.

1 Timoteu 5:17

Makulwana waze akuyula kanawa, katela kwawezela ulemu, kuhiana chikolo kuli waze akukilikita mu milimo ya kwambujola liji ni kulongesa.

2 Timoteu 4:2

ngwami, Ambujola lie Liji, hondangana nalio ha mwaka upema, ni haze hi mwaka upema ko; kumika, ámbila, shinjila, ni uhomboloji weswe ni longeso lieswe.

Titu 1:7

Mumu chatamba kalayi, se iye kaselo ka Zambi, akapwe keshi kapalia; hi mukwa pami ko, hi chitenu ko, hi mukwa kuzwela ko ku vinyu, hi mukwa kumbufula ko, yoze keshi chipululu cha upite wa sonyi;

Hebreu 13:17

Ononokenu kuli waze apwa tusongo twenu, nukazeye kuli ayo: mumu kakulawoka ha mbunge jenu, chizechene ngwe waze makalumbununa kuli Zambi, hanga akalinge chino ni uwahililo, hi ni kutwa mikuma ko, mumu chino kuchichi kanufumbula.

Hebreu 13:7

Iwulukenu waze apwile tusongo twenu, waze ahanjikile kuli yenu liji lia Zambi; zewulenu songo lia kwenda cho, imbululenu Ufulielo wo.

Hebreu 3:5

Ni Mose chamwenemwene wapwile mukwa jika mu zuwo lienyi lieswe, ngwe kavumbi, akapwe Shindakenyo ya yuma yize mayihanjika kulutwe lia miaka yize.

1 Petulu 4:10

Mweswe nikulita ngwe hanatambula chawana cha vumbi, alinge nacho umwe kuli mukwo ni mukwo, ngwe tuselo apema a vumbi lieka ni lieka lia Zambi.