Luka 12:4 - MUKANDA USANDU WA ZAMBI 1975

⁴ Mba ngunambe kuli yenu, tusendo twami ngwami, Kanda nuvwila woma waze akushiha mujimba, ni kulutwe lia chize keshi nacho nichimwe nawa chize mahasa kulinga.

Mukanda Wa Zambi 1970

⁴ “Ngunanwambe yenu masepa jami ngwami, kanda nuvwila woma waze akushiha mujimba, alioze kulutwe keeshi ni chize maahasa kulinga nawa.

Luka 12:4 Iomraidhean Croise

Yishima 29:25

Kuvwila woma atu muchineha kambwila; alioze mweswe mafuliela Yehova matwama kanawa.

Mwaso Ubema Wahiana 5:1

Hinanjila mu jardine yami, ndumbwami kanda ndungi yami. Hinahela mira yami ni tumbuto twami twa lupembo mupema. Hinalia chiputa chami hamwe ni wuchi wami. Hinanwa vinyu yami hamwe ni yamwa yami. Lienu akwetu, nwenu nawa. Nwenu kanawa akwa zango.

Mwaso Ubema Wahiana 5:16

Kuhanjika chenyi chinawaha chikolo, ni mwene mweswe te wa kuzanga. Mwenawo mukwa zango liami, mwe mukwetu, enu ana-mapwo a Yerusaleme.

Izaya 41:8

Alioze yena, kavumbi kami Izalele, ena Yakomba, nakutongwele, mwana wa Apalahama kasendo kami,

Jeremia 1:17

Alioze ena, jichika muya we; katuka ukambe kuli ayo yeswe mungukutumina. Kanda wavwila woma, kuchina mungukuvwisa woma kumeso jo.

Jeremia 1:8

Kanda wavwila woma mumu kunguli hamwe ni yena kukupulula. Chocho kanambe Yehova.

Jeremia 41:18

mumu ha mukunda wa A-Kaletea. Aavwilile woma mumu Ishemali mwana Netania hashiha Gedalia mwana Ahikame, yoze mwanangana wa Babilonia hasela kuyula chifuchi.

Ezekiel 2:6

Ni yena, mwana mutu, kanda wavwila woma, kanda wivwa woma wa maliji jo chipwe muopwa ni mikalale ni mbimbo; chipwe mutwama hakachi ka tuvwanda. Kanda uvwila woma maliji jo, chipwe kutatajala mumu ha kutala cho, mumu kapwa munyachi wa yihulia.

Mateu 10:28

Kanda nukavwila woma waze akushiha mujimba, hindu kahashile kushiha alma: alioze Shinaho muvwilenu woma yoze mahasa kwonwona ni alma ni mujimba mu Ngehena.

Yoano 15:13

Zango liahiana lino keshi nalio niumwe, kachi umwe matumbika mwono wenyi hali tusendo twenyi.

Yilinga 20:24

Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi.

Yilinga 4:13

Muze amwene hamu lia Petulu ni Yoano, kananyingika apwile atu waze kaalongesele, kajamine ku masona, akomokene; o aasele chinyingi ngwo, Wano apwile hamwe ni Yesu.

Filipu 1:28

Kanda nususuka nichimwe kuli akwa kulimika: chize chapwa kuli ayo chinyingi chamwenemwene cha kwonwona, alioze kuli yenu chinyingi cha ulamwino, uze wa kuli Zambi.

Tiangu (Jake) 2:23

Chisoneko chamanunukine chize chinambe ngwo, Apalahama wafulielele Zambi, mba achalwile kuli iye ha ululi; iye amulukile ngwo, Kasendo ka Zambi.

1 Petulu 3:14

Alioze chipwe kachi munukevwa lamba mumu ha ululi, kunwawaha: kanda nukevwa woma ku woma wo, chipwe kanda nulipikala;

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.