Luka 12:32 - MUKANDA USANDU WA ZAMBI 1975

³² Kanda nwivwa woma, mbunga yikepe; mumu chinawahila Tatenu kunwaha wanangana.

Mukanda Wa Zambi 1970

³² “Mbunga yikepe, kanda nwivwa woma! Mumu hichinawahila Tatenu kunwaha Wanangana.

Luka 12:32 Iomraidhean Croise

Izaya 40:11

Kumakalisa chendo chenyi ngwe kafunga, kumakakunga ana-mapanga mu moko jenyi, kumakaambata mu kondo, waze anamwisa ana kumakaasongwela ni vumbi.

Izaya 41:14

Ena katutu Yakomba, kanda wivwa woma, enu malunga a Izalele! Yehova kanambe ngwenyi, Mungunukwasa; Mukwa-Kunukula iye mwe Musandu wa Izalele.

Izaya 53:6

Etu eswe hitunatoko ngwe mapanga. Hitunahambuluka mutu mu jila yenyi, mutu mu jila yenyi; alioze Yehova hanamutwika iye uhenge wa yetu eswe.

Jeremia 3:19

Nangyonga chize mungukusa hakachi ka ana jami a malunga nikukwaha chifuchi chipema, chihinga chahiana kuwaha hakachi ka mavungu eswe. Nanyonga ngwami, Mangutongola ngwenyi, Tata. Mangukaula, kechi kapianguka.

Mateu 14:27

Alioze haze hene Yesu wahanjikile no ngwenyi, Hamukenu; yami mwene; kanda nwivwa woma.

Mateu 20:16

Chocho akwa kusula kumakapwa atangu, ni atangu kumakapwa akwa kusula; mumu matambika anji, alioze matongola akehe.

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Mateu 7:15

Alioze keyelenu aprofeta a kwonga, waze akwiza kuli yenu ni mazalo ja mapanga, alioze muchima kanapu tungunga a kunuwumbula.

Luka 10:21

Ha ola yize yene Yesu walikwijile mu Spiritu, ngwenyi, Ngunakuchichimieka Tata, Mwenya lilu ni hashi, wahengekele yino yuma kuli akwa mana ni akwa malinjekela, wayisolwele kuli ana-akemba; ewa, Tata; mumu chocho chakupemenene.

Yoano 18:36

Yesu wakumbulwile ngwenyi, Wanangana wami hi wa hashi ko: kachi wanangana wami muupwa wa hashi, kachi tumbaji twami malitachika, hanga kechi kangukunjika kuli A-Yunda: alioze haliapwila wanangana wami hi wa hano ko.

Yilinga 20:28

Keyelenu kuli yenwene, ni ku mbunga yeswe ya mapanga, yize Spiritu Musandu hananuse tulayi, mukufunga chikungulwila cha Zambi, chize azukile ni manyinga jenyi mwene.

Yilinga 20:29

Mumu ngunanyingika muze hinaya yami, tungunga asasu makanjila hakachi kenu, waze kechi kavwila keke mbunga ya mapanga.

A-ROMA 6:23

Mumu fweto ya shili kufwa; alioze chawana cha vumbi lia Zambi, mwono wa mutolo muli Kristu Yesu Mwene wetu.

1 Korintu 1:21

Se nikulita ni mana ja Zambi, akwa hashi ni mana jo kanyingikineko Zambi, chawahilile Zambi ni uhepuke wa kwambujola kulamwina waze anafuliela.

Filipu 2:13

mumu yoze wakulinga muli kuyenu iye Zambi, kupala ni kulinga ha kuwaha chenyi.

2 A-TESALONIKA 1:11

Kashika twakunulembela matangwa eswe, Zambi yetu akanumone akwa kutela kutambika chenyi, hanga akamanunune kuwaha cheswe cha upeme, ni yitanga yeswe ya Ufulielo, ni tachi;

2 A-TESALONIKA 1:5

Chenacho chinyingi pundu cha upatwilo wa ululi wa Zambi, hanga akanunyonge akwa kutela wanangana wa Zambi, uze nwakuvwila lamba;

Hebreu 12:28

Kashika, ha kutambula wanangana uze kuushi kuhasa kunyika, tupwenu ni vumbi, ku lize tukavumbike Zambi ni uvumbiko wa kupemena chikolo, ni ulemeso ni woma.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?

2 Petulu 1:11

Mumu chocho, kumakanwaha unjililo Wahiana mu wanangana wa mutolo wa Mwene wetu kanda Chilamwina Yesu Kristu.

Usolwelo 1:6

watupwishile wanangana, asasendote kuli Zambi yenyi kanda Tato; uhenya ni ndundo yikapwe kuli iye ndo ku miaka ya mutolo. Amene.

Usolwelo 22:5

Kukuchi kapwa nawa ufuku; o kafupile pangu lia ndeya, chipwe lia tangwa, ka; mumu Mwene Zambi kumakapanguka hali ayo; o kumakayula ndo ku miaka yeswe ya mutolo.