Luka 12:21 - MUKANDA USANDU WA ZAMBI 1975

²¹ Chocho anapu yoze wakulitulikila upite, keshi upite kuli Zambi.

Mukanda Wa Zambi 1970

²¹ Yesu yawezaho ngwenyi: “Chenacho muchikabwa hali yoze wakulitulikila ubite iye mwene, alioze keshi ubite ku meso ja Zambi.”

Luka 12:21 Iomraidhean Croise

Yishima 13:7

Kwali yoze kakulipwisa pichi, hindu keshi nichimwe; kwali yoze kakulipwisa chiswale, hindu kali ni upite unene.

Hosea 10:1

Izalele kapwa ngwe mutondo wa uva wa tachi uze wakwima mihuko yawo. Ha kwoka mihuko yenyi yokesa yilumbilo yenyi. Ha kuwaha chifuchi chenyi chocho yapemesa manguji jenyi.

Habakuke 2:9

Lamba kuli yoze wakutambula munyachi wenyi ni uhenge, akase chaswa chenyi kwilu akalilamwine ku yipi.

Luka 12:33

Lanjisenu chize nuli nacho, hanenu yawana kuli yiswale; litungilenu yipakumuna yize kuyishi kupapujoka, upite mu malilu uze kuushi kuhwa, muze mwiji keshi kukundama chipwe ndulu keshi kupihisa.

Luka 16:11

Kashika kachi kunwapwile amwenemwene ni upite wa uhenge, iya makunjika kuli yenu upite wamwenemwene?

Luka 6:24

Alioze lamba lienu, yenu pichi! mumu hinunatambula kulembejeka chenu.

A-ROMA 2:5

Alioze nikulita ni kukala cha mbunge yize kuyishi kulikonyeka, kuwakulitulikila utenu ha tangwa lia utenu muze masolola upatwilo wa ululi wa Zambi;

2 Korintu 6:10

Ngwe akwa yinyengo, hindu nikuwahilila matangwa eswe; ngwe yiswale, hindu nikupwisa anji pichi; ngwe kutushi chuma nichimwe, hindu twapita yuma yeswe.

1 Timoteu 6:9

Alioze waze mazanga kupwa pichi, malimbuka mu cheseko, ni mu muheto, ni mu usolo wunji wa kuhulama ni wa kulemeka, uze kuwakushimbamisa atu mu kwenyeka ni mu kwonwona.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?

Usolwelo 2:9

Ngunanyingika luyinda we, ni uswale we; (alioze yena uli pichi); ni kutuka cha waze akwamba ngwo, Yetu tuli A-Yunda, aiioze hi A-Yunda ko, aiioze kapwa sunangonga ya Satana.