Luka 12:20 - MUKANDA USANDU WA ZAMBI 1975

²⁰ Alioze Zambi ngwenyi, Chihepuke, ufuku uno kumatambula mwono we kuli yena; ni yuma yize hiunalulika, yaya muyipwa?

Mukanda Wa Zambi 1970

²⁰ Alioze Zambi yamwamba ngwenyi: ‘Yena chihepuke! Ufuku unowene muufwa, Mba yuma yize unalitumbikila yaya muyikabwa?’ ”

Luka 12:20 Iomraidhean Croise

Estere 5:11

Hamane yaambulwila uhenya wa upite wenyi, ni kulumbama cha ana jenyi ni yuma yize mwanangana hamusenyesa nayo, ni chize hamuhianyisa helu lia alemu ni tuvumbi twa mwanangana.

Jobe 27:8

Mumu kutalatala cha chitanganyanyi kuchi chapwa muze Zambi hanamusutula ni kumutambula mwono wenyi?

Miaso (Masamu) 39:6

Chamwenemwene atu eswe kakwenda mu kulinga chamokomoko; pundu kakupinda chamokomoko. Kakulumbika upite alioze kanyingikine yoze maukongolola.

Miaso (Masamu) 49:10

Mumu kakumona ngwe akwa mana kakufwa; ni chihepuke ni yoze keshi mana kakunonga hamuwika nikuhichika upite wo kuli akwo.

Miaso (Masamu) 73:19

Susumuku hananongo. Hanatale wupu ni mwongo.

Miaso (Masamu) 78:30

Usolo wo te kanda uhwa; kulia te muchili mu makanwa jo,

Yishima 10:2

Upite wa ungulungulu kuwafumbukile nichimwe, alioze ululi kuwakupulula mutu ku kufwa.

Yishima 11:4

Upite kuuchi kukwasa ha tangwa lia ufwatulo; alioze ululi kuwakupulula ku kufwa.

Yishima 13:7

Kwali yoze kakulipwisa pichi, hindu keshi nichimwe; kwali yoze kakulipwisa chiswale, hindu kali ni upite unene.

Yishima 27:1

Kanda ulisambila tangwa lia hamene mumu kwanyingikine chize tangwa limuwika mulineha.

Yishima 28:8

Mweswe mokesa upite wenyi ha kufwetesa mbwezo ni kufutukila, kakuufunga hali yoze mavwila keke yiswale.

Izaya 56:12

Kakwamba ngwo, Tuyenu tukafupe vinyu, tukalikuchise ni kunwa chisasu; ni hamene mulipwa ngwe musono nawa, kuwaha chahiana.

Jeremia 17:11

Ngwe ngwali yoze makunga ana aze katotele, chocho mapwa yoze makunga upite ni uhenge. Hakachi ni hakachi ka matangwa jenyi muumukatuka, mba ku songo iye mapwa chihepuke.

Amose 6:13

Enu nwakuwahilila ni Lo-Devale nikwamba ngwenu, Te ni tachi ja yetwene kutwatambwile Karnaime?

Nahume 1:10

Kakwalalisa ngwe mikalale ya kuliselieka. Shimbu machizengewa makaalalisa ngwe mwambu umu.

Luka 11:40

Yihepuke, yoze watangile haze katangile muchima nawa, nyi?

1 Tesalonika 5:3

Mumu muze mamba ngwo, Sambukila, kutwama kawape, hohene kwenyeka muchitulumuka hali ayo ngwe kufumbajala hali pwo yoze uli ni ufumba; no kechi komboka nichimwe.

1 Timoteu 6:17

Kanjisa waze apwa pichi ha mwakono, kanda alengumuka, chipwe kanda atalatala ha upite wa ujilijili, alioze hali Zambi ya mwono, yoze wakutwaha yuma yeswe ya kulumbama, hanga tukawahe nayo.

1 Timoteu 6:7

mumu kutwanehene nichimwe hano hashi, mba chipwe kutwahashile kuchizamo nichimwe.

Tiangu (Jake) 4:14

Alioze kunwanyingikine chize muchipwa ha tangwa lia hamene. Mwono wenu kuchi upwa? Unapu chishichishi, chize muchisoloka ha shimbu likepe ni kulutwe muchanduluka.