Luka 12:2 - MUKANDA USANDU WA ZAMBI 1975

² Alioze chuma cha kufukiwa chize kuchichi kafukuka chakuhi nichimwe; chipwe cha kuhengama chize kechi kachinyingika chakuhi nichimwe.

Mukanda Wa Zambi 1970

² Chize cheswe chaswamanyine, makachisolola, chize cheswe chakuhengeka, makachinyingikisa.

Luka 12:2 Iomraidhean Croise

Longeshi 12:14

Mumu Zambi makokela chitanga cheswe ku usopelo, ni chuma cheswe cha kuhengama, chipwe chipema, chipwe chipi.

Jeremia 16:17

Mumu meso jami kanatale ndako jo jeswe; kujanguswaminyine. Chipwe uhenge wo kahashile kunguswekelawo.

Hosea 8:13

Ha kutwala ku yitapo ya milambu yami, o kakushiha yifwo ni kuyilia, alioze Yehova kuyamupemenene. Haliapwila mewuluka uhenge wo, maaha kastigu ya milonga yo; makahiluka ku Engitu.

Marku 4:22

Mumu chuma cha kuswama chize kechi kachisolola chakuhi nichimwe; chipwe kahengekele chuma shina hanga chikasoloke, nichimwe.

Luka 8:17

Mumu chuma cha kuswama chakuhi chize kechi kachisolola; chipwe chuma cha kuhengama chize kechi kachinyingika, nikuchisolola.

A-ROMA 2:16

ha tangwa lize muze Zambi makapatula yuma ya kuhengama ya atu, nikulita ni sango lipema lia yami, kuli Yesu Kristu.

1 Korintu 4:5

Kashika kanda nukapatula nichimwe shimbu te mwaka kanda uheta, ndo Mwene meza, iye makaneha ku pangu yuma ya kuhengama ya milima, makasolola manyonga ja mbunge; hohene mutu ni mutu makapwa ni uhaliso wenyi wa kuli Zambi.

2 Korintu 5:10

Mumu chatamba akatusolole eswe kulutwe lia chitwamo cha upatwilo wa Kristu; hanga eswe akatambule yuma yize alingile mu mujimba, nikulita ni chize alingile, chipwe chipema, chipwe chipi.