Luka 12:15 - MUKANDA USANDU WA ZAMBI 1975

¹⁵ Iye wambile kuli ayo ngwenyi, Kanyamenu, lifungenu ku kuzo yeswe; mumu mwono wa mutu kuushi kupwa ni kulumbama cha yize ali nayo.

Mukanda Wa Zambi 1970

¹⁵ Mba yambila eswe ngwenyi: “Talenu kanawa, kanyamenu hakutwala ku lwahu weswe wa mbongo. Mumu mwono wa mutu hi Chuma cha yikumba yenyi ko, chibwe kali pichi kuhiana.”

Luka 12:15 Iomraidhean Croise

1 Yitanga Ya Mianangana 2:40

Mba Shimei yakatuka; yalulika chimbulu, yaya ku Ngata kuli Akishe mukufupa ngamba jenyi. Yahetako; yachiza ngamba jenyi ku Ngata.

Jobe 2:4

Satana yakumbulula Yehova ngwenyi, E, chikowa ha chikowa. Mutu mecha yeswe ali nayo ha kulamwina mwono wenyi.

Miaso (Masamu) 10:3

Mumu chingulungulu kakulivwimba ha chize mbunge yenyi kuyakuzanga; kakuwahisa mukwa kuzo; kakulelesa Yehova.

Miaso (Masamu) 37:16

Chize chikepe mukwa ululi ali nacho chahiana upite wa kulumbama wa yingulungulu anji.

Miaso (Masamu) 62:10

Kanda ufuliela mbenga. Kanda ulilengela ni ungumba. Chipwe upite muoka kanda ukausa mbunge ye.

Yishima 15:16

Chikehe hamuwika ni woma wa Yehova, chapema kuhiana upite wunji hamuwika ni lamba.

Yishima 16:16

Kuzuka mana chawaha kuhiana oru. Ewa kutongola malinjekela chawaha kuhiana prata.

Yishima 28:16

Mwanangana yoze keshi malinjekela mapwa mukwa kupinjisa nawa; alioze yoze kazangile chipululu masuhisa matangwa jenyi.

Jeremia 6:13

Mumu chize kuli mukepe hakachi ko ndo kuli alemu eswe kali ni chipululu cha kufumbuka cha uhenge, ni chize kuli profeta ndo kuli sasendote, eswe kakulinga ni mahuza.

Ezekiel 33:31

Kakwizaza kuli yena ngwe atu kakwiza; kakutwama kumeso je ngwe atu jami. Kakwivwa chize muwamba, alioze kechi kuchilinga; mumu kakusolola zango linji ku mivumbo yo, alioze mbunge jo hanajise ku kufumbula.

Mika 2:2

Kakuvwila kuzo ya minda, mba mayitambula. Kakuvwila kuzo ya mazuwo, mba maachiza. Kakupinjisa mutu ni zuwo lienyi, ni mutu ni chihinga chenyi.

Habakuke 2:9

Lamba kuli yoze wakutambula munyachi wenyi ni uhenge, akase chaswa chenyi kwilu akalilamwine ku yipi.

Marku 7:22

ni kuzo, ni ungulungulu, ni kalimbalimba, ni ujila, ni liso lipi, ni kushililika, ni kulizelula, ni uzuzuke:

Luka 12:16

Iye wahanjikile chishima kuli ayo ngwenyi, Minda ya umwe pichi yemine ya kulumbama.

Luka 16:14

A-Fwariseu nawa, waze apwile akwa kufwila mbongo, evwile yino yuma yeswe; amukekwine.

Luka 21:34

Alioze keyelenu kuli yenwene kuchina hanji mbunge jenu mujilema ni upulutu, ni kuzengewa, ni yipikalo ya mwono uno, ni tangwa lize mulitulumuka hali yenu ngwe muheto susumuku hiliasoloka.

Luka 8:14

Yize yaholokelele hakachi ka mingonga, waze hanevu ni shimbu maya mu jila yo, makeketela ni yipikalo ni upite ni kuwaha cha mwono uno, keshi kwima mbuto ku ungunu.

1 Korintu 6:10

chipwe eji, chipwe akwa kwivwa kuzo, chipwe akwa kuzengewa, chipwe akwa kutukana, chipwe akwa kuhianyisa ndando, kechi kahinga wanangana wa Zambi.

Kolosu 3:5

Kashika shihenu yihanda yenu yize yili hano hashi; ni utanji, ni luchisa, ni kusasaminya, ni usolo upi, ni kuzo, yenayo kukombelela mahamba;

2 Timoteu 3:2

Mumu atu kumakapwa akwa kulifwila ene, akwa kufwila mbongo, akwa kulizata, akwa kulizelula, akwa kushililika, keshi kwononoka kuli yisemi jo, akwa kaleleso, akwa luchisa,

Hebreu 13:5

Ndako jenu jikapwe kujishi kufwila cha mbongo; pwenu akwa kuyuka ni yuma yize nuli nayo; mumu iye mwene hanambe ngwenyi, Chichi kukuhichika nichimwe, chipwe chichi kakwehuka nichimwe.

Yoshua 7:21

Muze namwene hakachi ka yuma ya kupupa chikuto chimwe chipema cha ku Babilonia, ni kulakaji aali a shekele ja prata, ni chipinji cha oru cha makumi atano a shekele nayivwilile kuzo, yinguyitambula. Kuyili ya kusweka mu mavu muchima lia mbalaka yami. Prata kushi yili.

2 Petulu 2:14

Kali ni meso a tò ni utanji, keshi kuhasa kulitwamina ku shili; nikusongojola atu aze kajikijile; nikupwa ni mbunge ja kulifumba ni kuzo; akwa shingo.

2 Petulu 2:3

Ni ku kuzo, ni maliji a ulembekese, makanupwisa yuma ya kusepa nayo: upatwilo wo chize ku shakulu kuushi kushimbula, ni kwonwona cho kuchishi kufungunuka.