Luka 12:13 - MUKANDA USANDU WA ZAMBI 1975

¹³ Mba umwe wa ku mbunga, wambile kuli iye ngwenyi, Longeshi, amba mwanakwetu akalianyine chihinga ni yami.

Mukanda Wa Zambi 1970

¹³ Hohene umwe hakachi ka mbunga yambila Yesu ngwenyi: “Longeshi ambila mwanakwetu ahanyine ni yami yikumba yize atuselele tata.”

Luka 12:13 Iomraidhean Croise

Miaso (Masamu) 17:14

Ngulamwine kuli atu, yena Yehova, ni kwoko lie kuli atu a hano hashi, waze ali ni chihanda cho mu mwono uno. Wakukuchisa majimo jo ni yuma ye yipema ya kusweka. Hanayuku ni ana, kakuhichika upite wo kuli ana jo.

Ezekiel 33:31

Kakwizaza kuli yena ngwe atu kakwiza; kakutwama kumeso je ngwe atu jami. Kakwivwa chize muwamba, alioze kechi kuchilinga; mumu kakusolola zango linji ku mivumbo yo, alioze mbunge jo hanajise ku kufumbula.

Luka 12:12

mumu Spiritu Musandu kumanulongesa ha ola yize yene chize Chanutamba kwamba.

Luka 12:14

Alioze wambile kuli iye ngwenyi, Lunga, iya wangupwishile ngaji hanji mukwa kwanyina hakachi kenu?

Luka 6:45

Mutu mupema ku upite upema wa mbunge yenyi masolola yipema, ni chingulungulu ku upite wa ungulungulu wa mbunge yenyi masolola ungulungulu; mumu ku kulumbama cha mbunge kanwa mulihanjika.

1 Timoteu 6:5

kumbalanga cha atu a kupiha mu kunyonga cho, akuhona umwenemwene, waze anashinginyeka ngwo, Uwayilo unapu jila ya kufumbuka. Lihandunune ni atu ngwe wano.