Luka 12:1 - MUKANDA USANDU WA ZAMBI 1975

¹ Muze tununu anji akungulukile chocho aliachile umwe hali mukwo, waputukile kwamba kuli tumbaji twenyi kuliangila ngwenyi, Keyelenu futunwiso ya A-Fwariseu, yenayo ulembese.

Mukanda Wa Zambi 1970

¹ Shimbu lize, muze atu haakunguluka tununu ni tununu ni kuliliata, Yesu yahanga kulongesa tumbaji twenyi ngwenyi: “Keyelenu yitumbo ya mbolo ya Afariseu—kafwa ngwe ulembekese wo.

Luka 12:1 Iomraidhean Croise

1 MIANANGANA 7:17

Mwanangana wasele kapitau yoze iye wajaminyine ha kwoko lienyi akafunge chikolo. Alioze atu amuliachilile mwe mu chikolo, yafwa, ngwe mutu wa Zambi wambile yoze wahanjikile muze mwanangana wapalumukine kuli iye.

Jobe 20:5

Mazazo ja yingulungulu kakuhiha; kuwahilila cha yitanganyanyi chapwa cha kashimbu kakehe wika?

Jobe 27:8

Mumu kutalatala cha chitanganyanyi kuchi chapwa muze Zambi hanamusutula ni kumutambula mwono wenyi?

Jobe 36:13

Waze ali ni mbunge ja utanganyanyi kakufunga utenu; katetele aakwase muze maakasa.

Izaya 33:14

Woma hiweza hali yivulumunyi mu Zaione; yitanganyanyi kanachikima. Iya hakachi ketu mahasa kutwama ni kahia ka kulalisa? Iya hakachi ketu mahasa kutwama ni mbwemena ya miaka yeswe?

Luka 11:44

Lamba lienu akwa kusonyeka ni A-Fwariseu! yilembese! mumu nunapu ngwe mafuka aze keshi kusoloka, ni waze mapalikaho keshi kuchinyingika.

Luka 12:56

Yilembese, nunanyingika ngwe chize kulumbununa kusoloka cha hashi ni lilu; alioze ngwe kuchi kunwanyingikine kulumbununa we mwaka?

Luka 5:1

Shimbu mbunga amushinjikile mukwivwa liji lia Zambi, wamanyine ku sesa lia Chitende cha Ngenezare;

Luka 5:15

Alioze lufuma wenyi wamwanganyine mwamwa kuhiana nawa, ni mbunga yinene akungamine mukwivwa, hanga akaawuke ku kukokoloka cho.

Luka 6:17

Iye wapalumukine hamwe no, wamanyine homa ha Salama, ni mbunga yinene ya tumbaji twenyi, ni chizavu chinene cha atu a ku Yundeya mweswe ni a ku Yerusaleme, ni a ku mbaka ya Teru ni Sendone, eno ejile mukumwivwa, akaahindwise ku misongo yo;

Yilinga 21:20

O muze achivwile, achichimiekene Zambi; ambile kuli iye ngwo, Unamono, ndumbu, ngwe yizavu yipwa haha kuyili ya A-Yunda waze hanafuliela; ni eswe kakusela mbunge jo ku shimbi:

1 Korintu 15:3

Mumu nanukunjikile hatangu chize nawa yami natambwile, ngwe Kristu wafwilile milonga yetu nikulita ni yisoneko;

Hebreu 12:22

Alioze yenu hinuneza ku mulundu wa Zaione, ni ku limbo lia Zambi ya mwono, Yerusaleme ya mwilu; ni ku yizavu yinji ya angelo;

Tiangu (Jake) 3:17

Alioze mana a kwilu hatangu atoma, kulutwe a sambukila, ambovu, ashi, a tò ni keke ni mihuko yipema, keshi katonde, keshi ulembekese.

1 Petulu 2:1

Kashika, mbilenu uhuka weswe, ni tulimbalimba eswe, ni ulembekese, ni lufwachinda, ni kuhanjika chipi.