Luka 11:9 - MUKANDA USANDU WA ZAMBI 1975

⁹ Ngunambe kuli yenu ngwami, Etenu, mba kumakanwaha; fupenu, mba kumunukawana; ngongwelenu, mba kumakanwazulwila.

Mukanda Wa Zambi 1970

⁹ Alioze yami ngunanwambe ngwami, etenu mba kumunukatambula; fupenu, mba kumunukawana; ngongwelenu, mba kumakanwazulwila.

Luka 11:9 Iomraidhean Croise

Miaso (Masamu) 118:5

Mu luyinda wami natambikile kuli Yehova, mba Yehova yangukumbulula; yangusa mu muhela unene.

Miaso (Masamu) 27:4

Chuma chimuwika hineta kuli Yehova, chenacho mungufupa; hanga ngukatwame mu zuwo lia Yehova miaka yeswe ya mwono wami. Ngukamone upeme wa Yehova, ngukazewule tembele yenyi.

Miaso (Masamu) 27:8

Muze wambile ngwe, Fupa meso jami, mbunge yami yakumbulwile ngwami, Meso je mungufupa, Yehova.

Miaso (Masamu) 34:10

Mievu ja ndumba kakuhona nikwivwa zala, alioze waze akufupa Yehova kechi kuhona nichimwe chuma chipema.

Miaso (Masamu) 34:4

Nafupile Yehova, iye wangukumbulwile, mba wangupulwile ku woma wami weswe.

Miaso (Masamu) 50:15

Tambikenu kuli yami ha tangwa lia lamba. Mungukupulula, mba mukanguchichimieka.

Mwaso Ubema Wahiana 5:6

Nazulwilile mukwa zango liami, alioze aye hanalumuka, hanayi. Mbunge yami yalezumukine ha kuhanjika chenyi. Namufupile, alioze Chamuwanyine; namusanyikine, alioze kangukumbulwile.

Izaya 45:19

Chahanjikile ku tenga, mu chifuchi chimwe cha milima. Chambile kuli ana ja Yakomba ngwami, Ngufupenu homa ha hululu. Yami Yehova nakuhanjika umwenemwene, nakwambulula chize chinalite.

Jeremia 29:12

Mba munutambika kuli yami, nikwiza ni kulemba kuli yami mba mungunwivwa.

Jeremia 33:3

Ngusanyikenu mba mungukumbulula. Mungunulweza yuma yinene ya kuhengeka yize te kunwayinyingikine.

Daniel 9:3

Mba natalikishile meso jami kuli Mwene Zambi kumufupa ha kulemba ni kuliumba hamwe ni kulitwamina kulia ni yikeleyi ni uto.

Mateu 21:22

Ni yuma yeswe munwita ni Ufulielo ha kulemba, kumunukatambula.

Mateu 21:31

Hakachi ka wano aali iya walingile upale wa tato? O ngwo, Mutangu. Yesu ngwenyi, Pundu ngwami, Akwa kufwetesa lijimu ni yikoi kumakanutetekela kunjila mu wanangana wa Zambi.

Mateu 6:29

hindu ngunambe kuli yenu ngwami, Chipwe Solomone mu uhenya wenyi weswe kazalile ngwe chimwe cha ku yitemo yino.

Marku 11:24

Kashika ngunambe kuli yenu ngwami, Yuma yeswayo munwita ha kulemba, fulielenu ngwe nunayitambula, neyo kumuyikapwa kuli yenu.

Marku 13:37

Alioze chize ngunambe kuli yenu, ngunambe kuli eswe ngwami, Lenu.

Luka 11:10

Mumu mweswe meta, matambula; ni yoze mafupa, mawana; ni yoze mangongwela, kumakanwazulwila.

Yoano 14:13

Cheswacho munwita mu jina liami, kumunguchilinga, hanga achichimieke Tata muli mwe Mwana.

Yoano 15:16

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

Yoano 15:7

Kachi munutwama muli yami, ni maliji jami matwama muli yenu, nukete cheswacho munuzanga, kumuchikapwa kuli yenu.

Yoano 4:10

Yesu wamukumbulwile, ngwenyi, Kachi yena wanyingika chawana cha Zambi ni yoze unambe kuli yena ngwenyi, Ngwehe kama meya ngunwe; kachi wamwita ni kachi wakwaha meya a mwono.

A-ROMA 2:7

mahana mwono wa mutolo kuli waze akunyongonona nikulinga yipema nikufupa uhenya, ni ulemu, ni ungunu;

2 Korintu 6:2

(Mumu kanambe ngwenyi, Ha mwaka upema nahalakanyine kuli yena, ha tangwa lia ulamwino nakupulwile: tala, haliapwila we mwaka upema chikolo; tala, haliapwila lie tangwa lia ulamwino:)

Hebreu 11:6

Alioze mutu keshi kuhasa kupemena kuli Zambi shina ni Ufulielo; mumu yoze meza kuli Zambi chamutamba kufuliela ngwo, Iye hwali, iye mukwa kwononona waze akumufupa.

Hebreu 4:16

Tukundamenu kashika ni hamu ku ngunja ya vumbi, hanga tukatambule keke, tukawane vumbi lia kutukwasa ha mwaka wa chikala.

Tiangu (Jake) 1:5

Alioze kachi umwe wa kuli yenu mahona mana, akete kuli Zambi, yoze wakuhana kuli eswe ni kuvungumuna, keshi kuchoka; mba kumakamwaho.

Tiangu (Jake) 5:15

Kulemba cha Ufulielo kumuchilamwina mukwa kuyiza, ni Mwene kumamuhindwisa; nyi kachi hanavulumuna milonga, mamukonekenayo.

1 Yoano 3:22

ni cheswacho mutwita, mutuchitambula kuli iye, mumu twakufunga shimbi jenyi, twakulinga yuma yize ya kupemena kumeso jenyi.

Usolwelo 2:24

Alioze kuli yenu, ngunambe ngwami, Kuli akwo mu Tayatera, waze eswe kanyingikine longeso lino, ngwe akwamba ngwo, Waze kanyingikine yuma ya Satana ya muma mwajotoka chishi kunutwika chilemu chikwo nichimwe.