Luka 11:53 - MUKANDA USANDU WA ZAMBI 1975

⁵³ Muze te hatuhukamo, akwa kusonyeka ni A-Fwariseu aputukile kumushinjila chikolo nikumusungasunga ahanjike yuma yinji;

Mukanda Wa Zambi 1970

⁵³ Muze Yesu hakatuka ko, alongeshi a Shimbi ni Afariseu yaamushinjila ni kumusungasunga ni kumuhula yihula ha yikuma yeka ni yeka.

Luka 11:53 Iomraidhean Croise

Izaya 9:12

A-Seria ku Chivumbuko, ni A-Filistea ku Chitokelo, kakuwumbula A-Izalele ni makanwa a kupakula. Chipwe chocho utenu wenyi kuwakondolokele; kwoko lienyi hindu kanalizozo.

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 20:10

Mumu ngunevu anji nikuyevweta. Mwongo uliko kweswe kwa kujingilika! Masepa jami eswe kakwamba ngwo, Lituneye! Tulituneye! Mba kakutalatala ngulimbuke ngwo, Hanji mongoloka, mba mutuhasa kumukumba ni kumufwetesa.

Luka 11:52

Lamba lienu akwa shimbi! mumu nwachijile sapi ya chinyingi; kunwanjilile yenwene, ni waze apwile nikunjila nwaakwikile.

Luka 11:54

nikumujikinyina, nikufupa kukwata chuma chimwe mu kanwa lienyi hanga amusume.

Luka 20:20

O amulayilile, atumine ngendeshi, waze aliongele kupwa akwa ululi, hanga akamulimbe ni kuhanjika chenyi, hanga akahase kumukunjika ku chiyulo ni poko ya nguvulu.

Luka 20:27

Mba amwe a kuli A-Satuseu ejile kuli iye, waze akwamba ngwo, Uhindukilo wakuhi niumwe.

Yilinga 26:9

Yami chamwenemwene nashinginyekene changutamba kulinga yuma yinji ya kulimika ni jina lia Yesu Ka-Nazare.

1 Korintu 13:5

Kulishi kulinga ngwe kuchatele, kulishi kufupa yuma yenyi mwene, kulishi kutenuka nikawashi; kulishi kushinginyeka yipi;

2 Korintu 8:6

Chocho twaliumbile kuli Titu, hanga chizechene ngwe aputukile kulu, chocho nawa akamanunune muli yenu vumbi lino nawa.