Luka 11:40 - MUKANDA USANDU WA ZAMBI 1975

⁴⁰ Yihepuke, yoze watangile haze katangile muchima nawa, nyi?

Mukanda Wa Zambi 1970

⁴⁰ Yihepuke! Zambi yoze watangile haze, katangile ko muchima, nyi?

Luka 11:40 Iomraidhean Croise

Ubutukilo 1:26

Zambi yamba ngwenyi, Tulingenu mutu mu chano chetu, mwe mu kulifwa chetu. Akapwe ni chiyulo helu lia yishi a mu kalunga-lwiji, ni helu lia tujila a mwilu, ni helu lia yimuna, ni helu lia hashi heswe, ni helu lia akwa kukalala eswe aze akukalala hashi.

Ubutukilo 2:7

Yehova Zambi yawumba mutu wa ku fufuta ya mavu, yahwima mu mazulu jenyi mwiku wa mwono mba mutu yapwa mukwa mwono.

Miaso (Masamu) 14:1

Chihepuke kanambe mu mbunge yenyi ngwenyi, Kukushi Zambi niumwe. Hanapiha; kakulinga yitanga ya kuzelwokesa. Kukushi niumwe yoze unalingi chipema.

Miaso (Masamu) 33:15

Yoze wakuwumba mbunge jo jeswe; kakuzewula yitanga yo yeswe.

Yishima 1:22

Enu yizuzuke, ndo mwiji muka munuzanga uzuzuke? Ndo mwiji muka akwa kulenya mawahilila ni kulenya cho? Ndo mwiji muka yihepuke mavwila kole yinyingi?

Yishima 8:5

Enu yizuzuke, nyingikenu kukanyama. Enu yihepuke, pwenu ni mbunge ja malinjekela.

Jeremia 5:21

Ivwenu chino enu vungu lia yelo ni yizuzuke, nuli ni meso alioze kunwamwene, nuli ni matwi alioze kunwevwile.

Zakaria 12:1

Chikuma cha liji lia Yehova lia kutwala kuli A-Izalele. Yehova mukwa kuzazulula malilu, mukwa kukolesa hashi, ni kululika Spiritu ya mutu muli iye, kanambe ngwenyi,

Kwalula 16:22

O yafulamana hashi, yamba ngwo, Zambi, mwe Zambi ya maspiritu a atu eswe, mutu umuwika mavulumuna mba mutenuka ni chikungulwila cheswe nyi?

Mateu 23:17

Yihepuke ni tupuputa! mumu yinene yahiana yika, shina oru nyi, shina tembele yize ya kusela ku usandu ye oru?

Mateu 23:26

Yena Ka-Fwariseu wa kupuputa, pemesa hatangu muchima lia musenge ni lia panda, hanga haze liayo nawa hakapeme.

Luka 12:20

Alioze Zambi ngwenyi, Chihepuke, ufuku uno kumatambula mwono we kuli yena; ni yuma yize hiunalulika, yaya muyipwa?

Luka 24:25

Iye wambile kuli ayo ngwenyi, Yenu yelo, ni akwa makoke ku mbunge kufuliela yuma yize yeswe aprofeta ahanjikile.

1 Korintu 15:36

Yena Chizuzuke, chize yena mwene makuwa, keshi kuchipwisa ni mwono shina muchifwa;

Hebreu 12:9

Chikwo nawa, twapwile ni atata a mu musunya akutulamba ha kufumba, twaalemesene: Shinaho chikolo kutuchi kuzeyela kuli Tato ya maspiritu, tukapwe ni mwono, nyi?