Luka 11:4 - MUKANDA USANDU WA ZAMBI 1975

⁴ Utukonekene kama milonga yetu; mumu yetu nawa twakukonekena mweswe uli ni kongo kuli yetu. Kanda ututwala kama ku cheseko, alioze tupulule kama kuli mwe mupi.

Mukanda Wa Zambi 1970

⁴ Tukonekene kama milonga yetu, mumu yetu twakukonekena mwese yoze hanatuvulumuna. Kanda ututwala kama ku yeseko yikalu.’ ”

Luka 11:4 Iomraidhean Croise

Ubutukilo 48:16

Mwe mungelo hanangupulula ku yipi yeswe, akawahise wano akweze, Jina liami likapwe muli ayo, ni jina lia atata Apalahama ni Izake. Akoke ndo mapwa chihuji hashi.

1 Yitanga Ya Mianangana 8:34

hipanjika yena mwilu ukakonekene mulonga wa atu je A-Izalele ukaanehe nawa mu chifuchi chino wachihanyine kuli tulamba two.

1 Yitanga Ya Mianangana 8:36

hipanjika yena mwilu ukakonekene mulonga wa tuvumbi twe ni wa atu je A-Izalele, muze mukaalongesa jila yipema yize chaatamba kwendelamo; utume vula ha chifuchi che chize hiwahana chikapwe chihinga cha atu je.

Miaso (Masamu) 121:7

Yehova kumakakufunga ku yipi yeswe. Kumakafunga mwono we.

Miaso (Masamu) 25:11

Yehova, mumu ha jina lie ngukonekene kama uhenge wami, mumu hiwoka chikolo.

Miaso (Masamu) 25:18

Nyonga kama ha yipikalo yami ni yikola yami, ungukonekene kama milonga yami yeswe.

Daniel 9:19

Mwene, ivwa kama. Mwene, konekena kama. Mwene, panjika kama ulinge; kanda ulaluka, mumu hali yena mwene, Zambi yami, mumu ha chihunda che ni hali atu je halukako jina lie.

Hosea 14:2

Twalenu maliji nukahiluke kuli Yehova nukambe kuli iye ngwenu, Chiza kama uhenge weswe; tambula kama chize chinapeme mba mutukwaha mihuko ya mivumbo yetu.

Mateu 18:35

Chocho nawa Tata wa mwilu makalinga kuli yenu kachi kunushi kumukonekena mweswe ndumbwenyi ku mbunge yenyi.

Mateu 26:41

Lenu, lembenu, hanga kunuchi kunjila mu cheseko: spiritu chamwenemwene yatakama, alioze musunya ulelu.

Luka 11:5

Iye wambile kuli ayo ngwenyi, Iya hakachi kenu mapwa ni kasendo, nyi maya kuli iye ha muchima ufuku, akambe kuli iye ngwenyi, Kasendo kami, ngwehe kama mbolo jitatu;

Luka 13:4

Hanji waze kumi ni nake, hali ayo kaposhi ka Selome wapuzukile nikwashiha, nunashinginyeka ngwe o apwile yitanguke ahiana atu eswe akutwama mu Yerusaleme, nyi?

Luka 22:46

Iye wambile kuli ayo ngwenyi, Kuchi te nuli mu tulo? Katukenu, nulembe, hanga kunuchi kanjila mu cheseko.

Luka 8:13

Alioze waze ha liwe, waze muze hevwa, matambula liji ni uwahililo; ni wano keshi miji, mafuliela ha kashimbu, ni ha mwaka wa cheseko masulumioka.

Yoano 17:15

Chalembele hanga ukaachize hashi, alioze hanga ukaafunge kuli mwe mupi.

1 Korintu 10:13

Nichimwe cheseko kuchanukwachile shina chize cha kulita ni chisemewa cha atu; alioze Zambi wamwenemwene, iye kechi katayiza akanweseke kuhiana chize munuhasa; alioze hamwe ni cheseko makanumwesa jila ya kutuhukamo hanga nukahase kunyongonona.

Kolosu 3:13

nikulihumikiza umwe ni mukwo, nikulikonekena umwe ni mukwo, kachi umwe munengo a muli nawo mukwo, chizechene ngwe Kristu hananukonekena, chocho ni yenu nawa nulikonekene.

2 A-TESALONIKA 3:3

Alioze Mwene wamwenemwene, mwenawo kumakanujikijisa, makanufunga ku yipi.

2 Timoteu 4:18

Mwene kumakangupulula ku yitanga yeswe yipi, makangulamwina ndo ku wanangana wenyi wa mwilu: uhenya ukapwe kuli iye ndo ku miaka yeswe ya mutolo. Amene.

Tiangu (Jake) 2:13

Yoze kalwezele keke kumakatambula upatwilo uze kuushi keke: keke kuyakukumba upatwilo.

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.

Usolwelo 3:10

Mumu hiunafungu liji lia uhumikizo wami, yami nawa kumungukakufunga ku ola ya cheseko, yize muyiza ha yifuchi yeswe ya hashi mukweseka waze akutwama hashi.