Luka 11:39 - MUKANDA USANDU WA ZAMBI 1975

³⁹ Alioze Mwene wambile kuli iye ngwenyi, Achi, yenu A-Fwariseu nwakupemesa haze lia musenge ni lia panda; alioze muchima lienu munazala ni mbenga ni ungulungulu.

Mukanda Wa Zambi 1970

³⁹ Mba Mwene yamwamba ngwenyi: “Yenu Afariseu nwakukosa haze lia musenge ni chenga, alioze muchima munazala ni kuzo ni ungulungulu.

Luka 11:39 Iomraidhean Croise

Ubutukilo 6:5

Chocho Yehova yamona ungulungulu wa atu hashi, ngwenyi, Wahiana. Chikwo ngwenyi, Kutaka cheswe cha manyonga ja mu mbunge jo, chipi wika matangwa eswe.

2 Sango Ja Mianangana 25:2

Walingile chipema kumeso ja Yehova alioze hi ni mbunge yingunu ko.

Miaso (Masamu) 22:13

Kanangupakwila makanwa jo ngwe ndumba nikuwumbula nikuteta.

Yishima 26:23

Mivumbo ya kuhuhumuna hamwe ni mbunge ya ungulungulu yapwa ngwe sapa ya uma ya kulamika ni yinganga ya prata.

Yishima 26:25

Muze mahanjika kanawa kanda umufuliela mumu kali ni yizelwokeso shimbiali mu mbunge yenyi.

Yishima 30:12

Kuchili chisemuko chakwamba ngwo, Tunapeme. Hindu kaasanyishine luchisa wo.

Jeremia 4:14

Yerusaleme, sanenu ku mbunge ungulungulu ukatuke, akanulamwine. Ndo mwiji muka manyonga jenu api matwama muli yenu?

Ezekiel 22:25

Alemu jenyi muchima lienyi kapwa ngwe ndumba umwe kanahiohio shimbu machipapulula yifwo. Hanali mwono wa atu; hapunda upite ni yuma yilemu; hapwisa tuliwa anji hakachi ko.

Ezekiel 22:27

Alemu jenyi muchima lienyi kapwa ngwe tungunga kanapapulula yifwo, nikumwanga manyinga, nikwonwona mwono wa atu akalifumbule ni yuma ya wiji.

Zefania 3:3

Akwa kuyula muchima lienyi kapwa ngwe ndumba a kuhiohia. Ngaji jenyi ngwe tungunga a ha chingoloshi waze kahichikile nichimwe ndo chimene.

Mateu 15:19

Mumu mu mbunge mwakutuhuka manyonga api, ni ungalwe, ni utanji, ni upangala, ni wiji, ni Shindakenyo ya mahuza, ni kushililika.

Mateu 7:15

Alioze keyelenu aprofeta a kwonga, waze akwiza kuli yenu ni mazalo ja mapanga, alioze muchima kanapu tungunga a kunuwumbula.

Luka 16:15

Iye wambile kuli ayo ngwenyi, Yenu nuli waze akulisambisa kumeso ja atu; alioze Zambi kananyingika mbunge jenu; mumu chize machilemesa chikolo hakachi ka atu, chapwa chizelwokeso kumeso ja Zambi.

Luka 7:13

Muze Mwene amumwene, wamuvwilile keke, wambile kuli iye ngwenyi, Kanda ulila.

Luka 7:19

Mba Yoano watambikile aali a kuli tumbaji, waatumine kuli Yesu, ngwenyi, Shina yena uli yoze meza, nyi? Shina mutatalatala mukwo?

Yoano 12:6

Achi, kambile chino mumu wanyongene yiswale, ka; alioze mumu wapwile mwiji, ni se wapwile ni tuku, iye wambachile jize aselemo.

Yoano 13:2

Shimbu machilia, Ndiapu se hanachise kulu mu mbunge ya Yundase Ka-Keriote mwana Semone, amukunjike.

Yilinga 5:3

Alioze Petulu wambile ngwenyi, Ananiya, kuchi te Satana hanazalisa mbunge ye kuhanjika mahuza kuli Spiritu Musandu, ukasweke chihanda cha ndando ya munda?

Galashia 1:14

Nasenyene kulutwe mu Uyunda kuhiana anji a kuli mulietu hakachi ka akwa vungu liami, ni kulinga ni mbunge yeswe kuhiana ha ndongo ja akaka.

2 Timoteu 3:5

Kusoloka cha uwayilo kali nacho, alioze kakulikata tachi jawo: kuli wano nawa kondoloka.

Titu 1:15

Kuli akwa kupema, yuma yeswe yipema; aiioze kuli akwa luchisa, ni waze keshi kufuliela, chuma chipema chakuhi nichimwe; aiioze ni kunyonga cho ni mbunge jo kujalichisa.

Tiangu (Jake) 4:8

Kundamenu kuli Zambi, iye kumakakundama kuli yenu. Pemesenu moko jenu, yenu yivulumunyi; tomesenu mbunge jenu, yenu akwa mbunge jiali.