Luka 11:31 - MUKANDA USANDU WA ZAMBI 1975

³¹ Mwanangana wa pwo wa ku Sule kumakahinduka ha upatwilo hamwe ni malunga ja chisemuko chino, makaahisa: mumu iye wakatukile ku masongo ja hashi mukwivwa mana ja Solomone; kumanyi, umwe Wahiana Solomone kuno kwali.

Mukanda Wa Zambi 1970

³¹ Ha tangwa lia Ubatwilo, mwanangana wa pwo wa ku Sude makakatukila atu ja mwakono ni kwahisa. Mumu yakatuka ku chifuchi kusuku ha kwivwa maliji a mana ja Solomone, ni chikuma chahiana chize cha Solomone hano hichili.

Luka 11:31 Iomraidhean Croise

2 Sango Ja Mianangana 9:1

Muze mwanangana wa pwo wa ku Shipa yevwa lufuma wa Solomone yeza ku Yerusaleme akeseke Solomone ni yihula yikalu. Yeza ni atu anji chikolo, ni tumelu a kumbata tumbuto twa lupembo mupema, ni oru yinji chikolo, ni mawe alemu ngwe diamante. Ha kuheta kuli Solomone yalishimwinya nenyi ha yuma yize yeswe yapwile mu mbunge yenyi.

Izaya 54:17

Nichimwe chikungo muchikawaha nyi hachifula kulimika ni yena. Kumukakumika limi lieswe lize lia kulimika ni yena ha kusopa. Yehova kanambe ngwenyi, Chenacho chihinga cha tuvumbi twa Yehova, chocho nakwasambisa.

Jeremia 3:11

Ni Yehova yamba kuli yami nawa ngwenyi, Uhie wa mukwa mafwefwe Izalele ukepe, wa mukwa mahuza Yunda unene.

Mateu 12:42

Ha upatwilo mwanangana wa pwo wa ku Sule kumakahinduka ni chisemuko chino, mba makachihisa: mumu iye wakatukile ku masongo a hashi mukwivwa mana ja Solomone; mba, umwe Wahiana Solomone kuno kwali.

Luka 3:22

Ni Spiritu Musandu wahulumukine hali iye nikusoloka ni mujimba, ngwe katele, ni liji liatuhukile mwilu, ngwo, Mwanami yena, ngunakuzange; muli yena ngunawahilila chikolo.

Luka 9:35

Ni liji liatuhukile mu lelwa ngwo, Yono mwe Mwanami, ngunamuzange, mwivwenu.

A-ROMA 2:27

Mba yilima ku chisemewa kachi mamanununa shimbi kechi kakupatwila, nyi? Yena uli ni lusona ni ungalami, alioze unatangula shimbi, nyi?

Hebreu 11:7

Ku Ufulielo Noe wa kufumba kuli Zambi ha kutwala ku yuma yize kanda yichimoneka, se wevwile woma wa Zambi, walulikile ulungu akalamwine akwa zuwo lienyi; chochene wahishile akwa hashi, amupwishile swana ya ululi uze wakulita ni Ufulielo.