Luka 11:22 - MUKANDA USANDU WA ZAMBI 1975

²² Alioze muze yoze makangana kuhiana iye meza, mamukumba, machiza kulipakata chenyi chize wachikolelele, iye makapangila yikumba yenyi.

Mukanda Wa Zambi 1970

²² Alioze, nyi yoze Wahiana tachi meza, mamukumba ni kumuchiza yize yeswe analipakata, mamwanga yize yeswe amwiyile.

Luka 11:22 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Kutuhuka 15:9

Mukwa kole yamba ngwenyi, Mungukaula, kumungwawana, kumungupangila yikumba yo. Mbunge yami muyiyuka nikwapupa. Mungutomona katana kami. Kwoko liami muliamanuna.

Izaya 27:1

Ha tangwa lize Yehova ni katana kenyi mukalu ni munene, wa tachi, makafwetesa Leviatanu mwe lunoka wa kuzomboka, Leviatanu mwe lunoka wa kulikonyekakonyeka; makashiha mwe ndragau yoze watwama mu kalunga-lwiji.

Izaya 53:12

Kashika mungukamwanyina chihanda chenyi hamwe ni akwa ulemu. Yuma ya kupupa mu jita nawa kumakayanyina hamwe ni akwa tachi, mumu wazukwile mwono wenyi mu kutwa, amwalwile hamwe ni yitanguke; wambachile shili ya anji; wahakwilile yitanguke.

Luka 11:21

Muze chitakame wa kulipakata mafunga zuwo lienyi, yikumba yenyi muyiwaha.

Luka 11:23

Yoze keshi hamwe ni yami kanalimika ni yami; ni yoze keshi kukunga hamwe ni yami kanasandula.

Efesu 6:11

Zalenu mazalo a utale eswe a Zambi, hanga nukahase kumana ni kulimika ni unjiliji wa Ndiapu.

Efesu 6:13

Kashika tambulenu mazalo a utale eswe a Zambi, hanga nukahase kulimika ha tangwa lipi, mba muze hinunalingi yuma yeswe, kumana ngú.

Kolosu 2:15

Se hanapupu mawanangana ni yiyulo, waahepwishile kumeso ja atu eswe, nikwakumba nayo.

1 Yoano 3:8

Yoze wakuvulumiona iye wa kuli Ndiapu; mumu chize ku uputukilo Ndiapu kakuvulumiona. Mumu ha chino hanasolola mwe Mwana Zambi hanga akonwone yitanga ya Ndiapu.

1 Yoano 4:4

Yenu nuli a kuli Zambi, ana akepe, hinunaakumbu; mumu yoze uli muli yenu iye munene Wahiana yoze uli hano hashi.