Luka 11:2 - MUKANDA USANDU WA ZAMBI 1975

² Iye wambile kuli ayo ngwenyi, Muze munulemba, ambenu ngwenu, Tata yetu, uli mwilu, akalemese jina lie, wanangana we wize, upale we ulingiwe hano hashi chizechene ngwe mwilu.

Mukanda Wa Zambi 1970

² Yesu yamba ngwenyi: “Muze munulemba, ambenu ngwenu: ‘Tata, alemese jina lie. Wanangana we Wize.

Luka 11:2 Iomraidhean Croise

1 Yitanga Ya Mianangana 8:43

hipanjika yena mwilu watwama ukalinge nikulita ni chize chilambala anakulembela, hanga mavungu eswe a hashi anyingike jina lie, akakuvwile woma ngwe atu je A-Izalele akukuvwilawo, akanyingike zuwo lino hinatunga hanaliluku jina lie.

1 MIANANGANA 19:19

Kashika Yehova Zambi yetu, utulamwine yena ku moko jenyi, ngunalembe, hanga mawanangana eswe a hashi akanyingike ngwo, Ena uli Yehova Zambi, yena wika.

2 Sango Ja Mianangana 20:6

ngwenyi, Yehova Zambi ya tulamba twetu, yena uli Zambi mwilu, uli mukwa kuyula mawanangana eswe a mavungu. Tachi ni ndundo jili mu kwoko lie, kashika niumwe mahasa kulimika ni yena.

Miaso (Masamu) 103:20

Enu angelo jenyi fumanyisenu Yehova, enu akwa ndundo ni tachi nwakwononokena liji lienyi, nikwivwa liji lia kuhanjika chenyi.

Miaso (Masamu) 108:5

Yena Zambi ukanangame helu lia malilu. Ulemu we ukapwe helu lia hashi heswe,

Miaso (Masamu) 11:4

Yehova mwali mu tembele yenyi yisandu. Ngunja ya Yehova mwilu yili. Meso jenyi ni yindayizo yenyi kuyakutala, kuyakweseka ana ja atu.

Miaso (Masamu) 57:11

Yena Zambi ukanangame helu lia malilu. Ulemu we ukafwe helu lia hashi heswe.

Longeshi 5:2

Kanda ulipupula ni kanwa. Mbunge ye kanda yilipupula kwamba nichimwe kumeso ja Zambi. Mumu Zambi aye mwilu ali, ni yena uli hashi, kashika maliji je kanda apwa anji.

Izaya 63:16

Mumu yena uli Tata, chipwe Apalahama katunyingikine, chipwe Izalele katutayijile. Yena Yehova, uli Tata. Chize ku shakulu jina lie ngwo, Mukwa-Kutukula.

Ezekiel 36:23

Mungukasolola usandu wa jina liami linene lize hanalijilula hakachi ka mavungu, ni yenu nawa hinwalijilula hakachi ko. Mba mavungu makanyingika yami nguli Yehova muze mungusolola usandu wami kumeso jo muli yenu. Chocho kanambe Mwene Yehova.

Daniel 2:28

Alioze umwe Zambi mwilu mwali mukwa kujimbula yijimbikilo, mba iye hasolola kuli mwanangana Nabukanezore yuma yize muyikapwa ha matangwa a kusula. Chilota chenu ni usolwelo wa mutwe wenu shimbu nuli ha muhela wenu, yino:

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Daniel 7:18

Alioze asandu ja mwe Chitunda makatambula we wanangana, ni kuzuka we wanangana ndo ku miaka, ni miaka ya mutolo.

Daniel 7:27

Alioze wanangana ni chiyulo ni unene wa mawanangana kushi lia lilu lieswe kumakakunjika kuli atu ja asandu ja mwe Chitunda. Wanangana wo kumuukapwa wanangana wa mutolo, mba akwa yiyulo yeswe kumakaavumbika ni kwaononokena.

Hosea 14:2

Twalenu maliji nukahiluke kuli Yehova nukambe kuli iye ngwenu, Chiza kama uhenge weswe; tambula kama chize chinapeme mba mutukwaha mihuko ya mivumbo yetu.

Alevi 10:3

Henaho Mose yamba kuli Arone ngwenyi, Chino che chuma Yehova hamba ngwenyi, Mungupwa wajila kuli waze eswe makakundama kuli yami. Kumeso ja e atu eswe mungukalema. Arone yaliholela lume.

Alevi 22:23

Kuji ya ngombe, hanji mwana-panga, yoze uli ni chilio chimwe chisuku, hanji chihi, muhasa kuhana akapwe mulambu wa mbunge alioze kechi kumutambula ha mulambu wa chilakenyo.

Habakuke 2:14

Mumu hashi muhazala ni chinyingi cha uhenya wa Yehova chizechene ngwe meya akufuka kalunga-lwiji.

Mateu 10:32

Mweswawo kashika mangutayiza kumeso ja atu, yami nawa kumungukamutayiza kumeso ja Tata yoze uli mu malilu.

Mateu 3:2

ngwenyi, Likonyekenu; mumu wanangana wa malilu hiunakundama.

Mateu 5:16

Chizechene pangu lienu likatemuke kumeso ja atu, hanga akamone yitanga yenu yipema, akachichimieke Tatenu yoze uli mu malilu.

Luka 11:1

Shimbu apwile kumwe nikulemba, muze halitwamina, umwe wa kuli tumbaji twenyi wambile kuli iye ngwenyi. Mwene, tulongese kama kulemba, chizechene ngwe Yoano walongesele tumbaji twenyi.

A-ROMA 1:7

Kuli waze eswe ali mu Roma kanaazange chikolo kuli Zambi, hanaatambika asandu: Vumbi kuli yenu ni sambukila ya kuli Zambi Tata yetu ni Mwene Yesu Kristu.

A-ROMA 8:15

Mumu yenu kunwatambwile Spiritu ya undungo cheka nawa mukwivwa woma; alioze nwatambwile Spiritu ya kunupwisa ana, yoze twakuteta nenyi ngwetu, Ta-ta, Tata.

1 Korintu 1:3

Vumbi kuli yenu ni sambukila ya kuli Zambi Tata ni kuli Mwene Yesu Kristu.

2 Korintu 1:2

Vumbi kuli yenu ni sambukila ya kuli Zambi Tata ni Mwene Yesu Kristu.

Galashia 1:4

yoze waliechele ha milonga yetu, hanga akatupulule ku mwakono upi, nikulita ni upale wa Zambi kanda Tata yetu.

Efesu 1:2

Vumbi kuli yenu ni sambukila, ya kuli Zambi Tata yetu ni Mwene Yesu Kristu.

Filipu 1:2

Vumbi kuli yenu ni sambukila ya kuli Zambi Tata yetu ni Mwene Yesu Kristu.

Filipu 4:20

Haliapwila uhenya ukapwe kuli Zambi yetu kanda Tata yetu ndo ku miaka yeswe ya mutolo. Amene.

Kolosu 1:2

Kuli asandu kanda mandumbu amwenemwene muli Kristu, waze atwama mu Kolosu: Vumbi kuli yenu ni sambukila ya kuli Zambi Tata.

1 Tesalonika 1:1

Yetu, Paulu, ni Selevwanu, ni Timoteu, Ku chikungulwila cha A-Tesalonika muli Zambi Tata ni Mwene Yesu Kristu: Vumbi kuli yenu ni sambukila.

1 Tesalonika 1:3

Kutushi kulitwamina kwiwuluka milimo yenu ya Ufulielo, ni kukilikita chenu cha zango, ni uhumikizo wa kutalatala chenu muli Mwene wetu Yesu Kristu, kumeso ja Zambi yetu kanda Tata yetu.

2 A-TESALONIKA 2:16

Alioze Mwene wetu Yesu Kristu iye mwene, ni Zambi Tata yetu, yoze hanatuzange, yoze hanatwehe kulembejeka cha mutolo, ni kutalatala chipema ku vumbi,

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.

Usolwelo 15:4

Mwene, iya kechi kakuvwila woma, iya kechi kuchichimieka jina lie? Mumu yena wika uli musandu; mumu mavungu eswe kumakawayila kumeso je; mumu yilinga ye ya ululi hanayisolola.

Usolwelo 19:6

Mba nevwile ngwe liji lia mbunga yinene, ngwe liji lia kukulunguza cha ngolo, ngwo, Aleluya! Mumu Mwene Zambi yetu, mwe Mukwa-Ndundo-Jeswe kanayulu!

Usolwelo 20:4

Mba namwene ngunja ni waze atwamineho, mba aahele upatwilo: namwene alma ja waze aatapile ha Shindakenyo ya Yesu, ni ha liji lia Zambi, ni waze kawayilile ngongo, chipwe kaponya kenyi, ka, katambwile mufunda ha mahuma jo ni ha moko jo; o atwamine ni mwono, ayulile hamwe ni Kristu kanunu ka miaka.