Luka 11:15 - MUKANDA USANDU WA ZAMBI 1975

¹⁵ Alioze amwe a kuli ayo ambile ngwo, Ni tachi ja Mbelezepu, mwata wa andemoniu, kakutuhwisa andemoniu.

Mukanda Wa Zambi 1970

¹⁵ Alioze amwe yaamba ngwo: “Belzebu, mwata wa mwiku wa luchisa, mwe unamwehe tachi ja kutuhwisa najo mwiku uze.”

Luka 11:15 Iomraidhean Croise

Mateu 10:25

Kunahu hali kambaji akapwe ngwe longeshi yenyi, ni ndungo akapwe ngwe mwata wenyi. Kachi hanavuluka mwenya zuwo ngwo, Mbelezepu, kumahiana chikolo kuvuluka akwa zuwo lienyi chocho.

Mateu 12:22

Hohene anehene kuli iye umwe mukwa ndemoniu, kapuputa kanda kamama, wamuwukile, chocho kapuputa kanda kamama wahanjikile, wamwene.

Mateu 4:24

Lufuma wenyi wafumanyine mu Seria mweswe; anehene kuli iye waze eswe ayijile, a kukwachika ni misongo yeka ni yeka ni yipupilo, ni akwa ndemoniu, ni akwa musongo wa ngulu, ni akwa kalepa, waawukile.

Mateu 9:34

Alioze A-Fwariseu ambile ngwo, Kakutuhwisa andemoniu ni tachi ja mwata wa andemoniu.

Yoano 10:20

Anji a kuli ayo ambile ngwo, Ndemoniu akwete, kanazaluka; kuchi te nunamwivu?

Yoano 7:20

Mbunga akumbulwile ngwo, Yena ndemoniu ukwete: iya unafupu kukushiha?

Yoano 8:48

A-Yunda amukumbulwile ngwo, Kutwambile kanawa ngwetu, Yena uli Ka-Samaria ni ndemoniu ukwete, nyi?

Yoano 8:52

A-Yunda kashika ambile kuli iye ngwo, Haliapwila tunanyingika ndemoniu ukwete. Apalahama wafwile, ni aprofeta nawa; ni yena unambe ngwe, Kachi umwe matunga liji liami, kachi kechi kumona kufwa nichimwe ndo ku miaka ya mutolo.