Luka 11:13 - MUKANDA USANDU WA ZAMBI 1975

¹³ Mba kachi yenu nuli api, nunanyingika kuhana yawana yipema kuli ana jenu, Shinaho chikolo Tatenu wa mwilu mahana Spiritu Musandu kuli waze mamwita, nyi?

Mukanda Wa Zambi 1970

¹³ Nyi yenu abi nunanyingika kwaha ana jenu yuma yibema, kuhiana chikolo Tatenu wa mwilu maha waze maamwita Mwiku wa Linanga.”

Luka 11:13 Iomraidhean Croise

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

Miaso (Masamu) 51:5

Pundu angusemene mu uhenge. Mama wangusesekele mu shili.

Yishima 1:23

Muze mungunukanjisa, hialumukenu. Mungusolola kuli yenu manyonga jami. Mungununyingikisa maliji jami.

Izaya 49:15

Pwo mahasa kuvulama mwana akwamwisa? Kechi kuvwila keke mwana wa mu jimo lienyi? Hanji o mavulama, hindu ami chichi kavulama yena.

Ezekiel 36:27

Mba mungukasa Spiritu yami muli yenu; mungukanwendesa nikulita ni yiyulo yami, munukatala kanawa kufunga shimbi jami.

Joele 2:28

Mba kulutwe mungukazukula Spiritu yami hali atu eswe. Ana jenu a malunga ni a mapwo makaprofeteza. Makulwana jenu a malunga makateta yilota, ni akweze jenu makamona usolwelo.

Mateu 5:16

Chizechene pangu lienu likatemuke kumeso ja atu, hanga akamone yitanga yenu yipema, akachichimieke Tatenu yoze uli mu malilu.

Mateu 5:45

hanga nukapwe ana a Tatenu yoze uli mu malilu: mumu kakuvumbula tangwa lienyi hali api ni apema; kakunokesa vula hali akwa ululi ni hali yihenge.

Mateu 6:14

Mumu kachi yenu munukonekena atu milonga yo, kachi Tatenu wa mwilu nawa makanukonekena.

Mateu 6:30

Alioze kachi Zambi chocho majika mwambu wa mu yambu, uze muupwa musono ni hamene maumbila mu jiko, Shinaho chikolo yenu, nyi? Yenu akwa Ufulielo ukepe?

Mateu 6:32

Mumu yino yuma yeswe akwa mavungu kakuyifupa; mumu Tatenu wa mwilu kananyingika ngwe nwakufupafupa yino yuma yeswe.

Mateu 7:11

Kachi yenu, nuli api, nunanyingika kuhana yawana yipema kuli ana jenu, Shinaho chikolo Tatenu yoze uli mu malilu mahana yuma yipema kuli waze mamwita, nyi?

Luka 11:12

Hanji meta lionda, mamwaha kavwanda, nyi?

Luka 11:2

Iye wambile kuli ayo ngwenyi, Muze munulemba, ambenu ngwenu, Tata yetu, uli mwilu, akalemese jina lie, wanangana we wize, upale we ulingiwe hano hashi chizechene ngwe mwilu.

Luka 18:7

Ni Zambi kechi kukala waze hanaatongola, waze akukololoka kuli iye mwalwa ni ufuku, chipwe kakupwa ni uhomboloji hali ayo shimbu linene, nyi?

Yoano 4:10

Yesu wamukumbulwile, ngwenyi, Kachi yena wanyingika chawana cha Zambi ni yoze unambe kuli yena ngwenyi, Ngwehe kama meya ngunwe; kachi wamwita ni kachi wakwaha meya a mwono.

Yilinga 2:38

Petulu wambile kuli ayo ngwenyi, Likonyekenu, anupapachise mutu ni mutu wa kuli yenu mu jina lia Yesu Kristu, ha ukonekeno wa milonga; mba kumunukatambula chawana cha Spiritu Musandu.

A-ROMA 5:17

Mumu kachi ku mulonga wa mutu umuwika, kufwa chayulile mumu hali umuwika; Shinaho chikolo waze akutambula kulumbama cha vumbi ni chawana cha ululi mayula mu mwono mumu hali umuwika, te Yesu Kristu.

A-ROMA 7:18

Mumu ngunanyingika muli yami, te mu musunya wami, chuma chipema kuchishimo: mumu kupala nakupala, alioze kulinga chize chipema Chahashile.

A-ROMA 8:32

Yoze kaywilile keke Mwanenyi mwene, alioze wamukunjikile hali yetu eswe, ngwe kuchi kechi katwaha hamwe nenyi yuma yeswe chawana?

Titu 3:3

Mumu yetwene nawa ha miaka ya kunyima twapwile yihepuke, yihulia, nikupianguka, nikulingila usolo weka ni weka ni kuwaha cheka ni cheka, nikwenda mu uhuka ni lufwachinda, akwa kole, nikulivwila kole umwe ni mukwo.