Luka 10:7 - MUKANDA USANDU WA ZAMBI 1975

⁷ Mu zuwo lize hene nukatwame, nikulia nikunwa yuma yize mapwa nayo, mumu mukwa milimo kanatela fweto yenyi. Kanda nukatutujoka ku zuwo ni zuwo.

Mukanda Wa Zambi 1970

⁷ Twamenu mu zuwo lizeliene, lienu ni nwenu yize maanusela mo, mumu mukwa milimo katela fweto yenyi. Kanda nututujoka mu zuwo ni zuwo.

Luka 10:7 Iomraidhean Croise

Kwalula 18:31

Ni yenu ni akwa majiko jenu nukayilile mu yihela yeswayo; mumu kuyapwa kwononona chenu ha uvumbiko wenu wa mu mbalaka ya chikungulwila.

Marku 6:10

Iye wambile kuli ayo ngwenyi, Mweswamo mununjila mu zuwo, muze mwene nukatwame ndo munukatuka kuze.

Luka 10:6

Kachi chamwenemwene mukwa sambukila mapwamo, sambukila yenu muyikatwama hali iye, alioze kachi ka, muyihiluka kuli yenu.

Luka 9:4

Mu zuwo Heswaho muvunjila, muze mwene nukatwame, muze mwene nukatuhukemo.

Yilinga 16:15

Muze te hamupapachisa, ni akwa zuwo lienyi, waliumbile kuli yetu ngwenyi, Kachi unangumono wamwenemwene kuli Mwene, njilenu mu zuwo liami, nukatwamemo; mba watukokesele.

Yilinga 16:34

Iye waakandwishile ku zuwo lienyi, waahele kulia, walikwijile hamwe ni akwa zuwo lienyi eswe, se hafuliela Zambi.

Yilinga 16:40

O atuhukile mu zuwo lia ususu, anjilile mu zuwo lia Lindia: mba muze te hamona mandumbu, aalembejekele, yakatuka.

Galashia 6:6

Alioze yoze anamufumbu ni liji, akalianyine ni chifumbe ni yuma yeswe yipema.

Shimbi 12:12

Nukawahilile kumeso ja Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, se o keshi chihanda chipwe chihinga hamwe ni yenu.

Shimbi 18:8

O atambule yihanda ya kulita ya kulia, kuweza ku yuma iye mawana ha kulanjisa chihinga chenyi.

1 Timoteu 5:13

Malilongesa nawa kulelumioka nikujingajinga ku zuwo ni zuwo; ni hi kulelumioka wika ko, alioze mapwa akwa kalundanganyishi, akwa moko a jiji, nikuhanjika yuma yize kuyatele.

2 Timoteu 2:6

Njimi yoze makilikita, chamutamba kulianga kutambula chihanda cha mihuko.