Luka 10:42 - MUKANDA USANDU WA ZAMBI 1975

⁴² Alioze chuma chimuwika chinahono, Maria hanatongola chihanda chipema, chize kechi kachichiza kuli iye.

Mukanda Wa Zambi 1970

⁴² Alioze Chuma chimuwika unahono. Maria hatongola Chihanda chibema, chize keechi kamuchiza cho.”

Luka 10:42 Iomraidhean Croise

Miaso (Masamu) 119:111

Shindakenyo je hingunatambula ngwe chihinga cha mutolo, mumu japwa uwahilio wa mbunge yami.

Miaso (Masamu) 119:173

Kwoko lie lipwe lia kungukwasa, mumu hingunatongola ndongo je.

Miaso (Masamu) 119:30

Hingunatongola jila ya umwenemwene, hingunase upatwilo we kumeso jami.

Miaso (Masamu) 142:5

Natambikile kuli yena Yehova. Nambile ngwami, Yena uli uchinyino wami kanda uli chihinga chami mu chifuchi cha akwa mwono.

Miaso (Masamu) 17:15

Alioze ha kutwala kuli yami, mungumona meso je ni ululi. Kumungukayuka muze mungulaula mu kulifwa cha yena. Kuli Njimba mukwa lutwe. Samu lia David kavumbi ka Yehova. Iye wahanjikile kuli Yehova maliji a mwaso uno ha tangwa lize Yehova wamupulwile ku moko ja akwa kole jenyi eswe ni ku kwoko lia Saulu: ngwenyi,

Miaso (Masamu) 27:4

Chuma chimuwika hineta kuli Yehova, chenacho mungufupa; hanga ngukatwame mu zuwo lia Yehova miaka yeswe ya mwono wami. Ngukamone upeme wa Yehova, ngukazewule tembele yenyi.

Miaso (Masamu) 73:25

Iya nguli nenyi mwilu shina yena wika? Chipwe hashi niumwe keshiho yoze namuzanga shina yena.

Longeshi 12:13

Songo lia chikuma; cheswe twachivwa. Vwila woma Zambi, ni kufunga shimbi jenyi, mumu henaho hasulila milimo ya mutu.

Marku 8:36

Mumu kuchi mutu mafumbuka, kachi malipichisa hashi heswe, alioze matokesa mwono wenyi?

Luka 10:39

Iye wapwile ni mwanakwo, jina lienyi Maria, yoze Watwamine nawa ku yiliato ya Yesu, nikwivwa liji lienyi.

Luka 11:1

Shimbu apwile kumwe nikulemba, muze halitwamina, umwe wa kuli tumbaji twenyi wambile kuli iye ngwenyi. Mwene, tulongese kama kulemba, chizechene ngwe Yoano walongesele tumbaji twenyi.

Luka 12:20

Alioze Zambi ngwenyi, Chihepuke, ufuku uno kumatambula mwono we kuli yena; ni yuma yize hiunalulika, yaya muyipwa?

Luka 12:33

Lanjisenu chize nuli nacho, hanenu yawana kuli yiswale; litungilenu yipakumuna yize kuyishi kupapujoka, upite mu malilu uze kuushi kuhwa, muze mwiji keshi kukundama chipwe ndulu keshi kupihisa.

Luka 16:2

Iye wamutambikile, wambile kuli iye ngwenyi, Acho, chika ngunevu hali yena? Lumbununa uselo we, mumu kushi kuhasa kupwa kaselo nawa.

Luka 16:25

Alioze Apalahama ngwenyi, Mwanami, iwuluka ngwe yena ha miaka ya mwono we, watambwile yuma ye yipema, chizechene Lazaru watambwile yuma yipi; haliapwila kanamulembejeka, ni yena uli mu upinjilo.

Luka 18:22

Muze Yesu evwile chino, wambile kuli iye ngwenyi, Hindu chuma chimuwika unahono; lanjisa yize yeswe uli nayo, ukapangile kuli yiswale, ukapwe ni upite mwilu; wize, ungukaule.

Luka 8:18

Kashika kanyamenu ngwe chize munwivwa; mumu mweswawo ukwete, kumakamwaha; ni mweswawo keshi nacho, chipwe chize kananyongo ngwenyi, Nguli nacho, mamuchizacho.

Yoano 11:1

Achi, umwe mutu wayijile, Lazaru wa ku Mbetaniya, wa ku chihunda cha Maria ni yayo Marta.

Yoano 11:19

ni anji a kuli A-Yunda ayile kuli Marta ni Maria, hanga akaasangulwise ha kutwala kuli ndumbwo.

Yoano 12:3

Maria kashika wanjile libra ya yitumbo ya vumba lipema, yilemu chikolo, wawayishile nayo yiliato ya Yesu, wakusumwine yiliato yenyi ni kambu jenyi; ni zuwo liazalile tò ni vumba lia yitumbo.

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yoano 4:14

alioze mweswawo manwa meya aze mungumwaha yami, kechi kevwa pwila nichimwe ku miaka ya mutolo; alioze meya aze mungumwaha kumakapwa muli iye fuji lia meya lia kuvwelwoka ku mwono wa mutolo.

Yoano 5:24

Pundu, pundu, ngunambe kuli yenu ngwami, Yoze mevwa liji liami, akafuliele yoze wangutumine, mwono wa mutolo ali nawo, kechi kanjila mu upatwilo, alioze hanakatuka ku kufwa, hananjila mu mwono.

Yoano 6:27

Kanda nukalinga milimo ha kulia chize cha kutoka, alioze nukalinge milimo ha kulia chize chili ni mwono wa mutolo, chenacho mwe Mwana Mutu makanwaha: mumu iye, Zambi mwe Tata hanamujiki ni Chijikilo.

1 Korintu 13:3

Chipwe mungupangila yikumba yami yeswe mukulisa yiswale, chipwe mungukunjika mujimba wami akawoche, alioze kachi chishi zango, chafumbukile nichimwe.

Galashia 5:6

Mumu muli Kristu, chipwe ungalami kuushi ni ulemu, chipwe ulima, ka; alioze Ufulielo uze unalingi ku zango.

Shimbi 30:19

Ngunatambika malilu ni hashi yinushindakenye musono ngwami, Hinasa kumeso jenu mwono ni kufwa, chiwape ni shingo, kashika, tongolenu mwono hanga nupwe ni mwono, ni yenu ni ana jenu.

Yoshua 24:15

Nyi kunushi ni mbunge ya kulingila Yehova, hitongolenu musono waze munwalingila, shina mazambi aze tulamba twenu alingilile mu chifuchi cha mu sali lia Lwiji, nyi shina mazambi a A-Amore akwa chifuchi chino nwatwama. Alioze lia kutwala kuli yami ni akwa zuwo liami etu mutulingila Yehova.

Yoshua 24:22

Henaho Yoshua wambile kuli atu ngwenyi, Nuli yela a kulimika ni yenwene ngwenu, Hitwatongola Yehova tukamulingile. O ngwo, E tuli yela.