Luka 10:41 - MUKANDA USANDU WA ZAMBI 1975

⁴¹ Alioze Yesu wamukumbulwile ngwenyi, Marta, Marta, kuwakulipikala nikulipinjisa ha yuma yinji.

Mukanda Wa Zambi 1970

⁴¹ Mwene yamukumbulula ngwenyi: “Marta, Marta! Wakulibikala ni kulihapisa ha yuma yinji.

Luka 10:41 Iomraidhean Croise

Longeshi 6:11

Se yuma yinji yiliko ya kufujisa wika, mutu kuchi mafumbuka nayo?

Marku 4:19

alioze yipikalo ya mwaka uno, ni kwonga cha upite, ni usolo wa yuma yikwo ha kunjila, muyikeketesa lie liji, mulikunda.

Luka 10:38

Shimbu te anayi mu jila yo, wanjilile mu chimwe chihunda, mba umwe pwo, jina lienyi Marta, wamuzekele mu zuwo lienyi.

Luka 10:40

Achi, Marta wasakalalile ni uvumbiko wunji, wakundamine kuli iye, ngwenyi, Mwene, hi chuma ko kuli yena, nyi? Mwanakwetu kanguhichikanga kuvumbika ukawami? Mwambe kashika angukwase.

Luka 12:22

Iye wambile kuli tumbaji twenyi ngwenyi, Kashika ngwami, Kanda nulipikala ha mwono wenu, chize munulia; chipwe ha mujimba, chize munuzala.

Luka 21:34

Alioze keyelenu kuli yenwene kuchina hanji mbunge jenu mujilema ni upulutu, ni kuzengewa, ni yipikalo ya mwono uno, ni tangwa lize mulitulumuka hali yenu ngwe muheto susumuku hiliasoloka.

Luka 8:14

Yize yaholokelele hakachi ka mingonga, waze hanevu ni shimbu maya mu jila yo, makeketela ni yipikalo ni upite ni kuwaha cha mwono uno, keshi kwima mbuto ku ungunu.

Yoano 11:1

Achi, umwe mutu wayijile, Lazaru wa ku Mbetaniya, wa ku chihunda cha Maria ni yayo Marta.

Yoano 11:5

Achi, Yesu wazangile Marta, ni mwanakwo, ni Lazaru.

Yoano 12:2

Kuze kashika amulingilile chiteleka: ni Marta wavumbikile; alioze Lazaru wapwile umwe wa kuli waze atwamine ku mesa hamwe nenyi.

Filipu 4:6

Kanda nukalipikala ha nichimwe; alioze ha yuma yeswe ku kulemba ni kuliumba hamwe ni kusakwila, kwita chenu akachinyingike kuli Zambi.