Luka 10:4 - MUKANDA USANDU WA ZAMBI 1975

⁴ Kanda nukambata chipwe chikwama, chipwe chipakumuna, chipwe haku, ni kanda nukameneka niumwe mu jila.

Mukanda Wa Zambi 1970

⁴ Kanda nwanda chibwe ngonga, chibwe chibakumuna, chibwe sapato. Kanda numanamana mu jila ni kumeneka umwe.

Luka 10:4 Iomraidhean Croise

Ubutukilo 24:33

Amuhele nawa kulia. Alioze iye yamba ngwenyi, Chichi kulia ndo hinalumbununa chize ngunendela. Yamba ngwenyi, Hanjikenu.

Ubutukilo 24:56

Iye yamba ngwenyi, Kanda nungukwika, se Yehova hawahisa wenyi wami. Ngushikenu nguye kuli mwata wami.

1 MIANANGANA 4:24

Yalulika chimbulu, yamba kuli ngamba ngwenyi, Enda! tambuka! kanda ukokolola je fuji shina mungukwambacho.

1 MIANANGANA 4:29

Elisha yamba kuli Ngehaze ngwenyi, Lijichike muya we, kwata mulumbu wami mu kwoko uye. Nyi mutakana ni mutu kanda umumeneka. Nyi iye makumeneka, ena kanda umukumbulula. Sako mulumbu wami ha meso ja mwana.

Yishima 4:25

Meso je atale kulutwe pundu; yindayizo ye yikalulame kulutwe.

Marku 6:7

Yatambika kuli iye kumi ni aali, waputukile kwatuma aali ni aali; nikwaaha chiyulo helu lia maspiritu a luchisa;

Luka 22:35

Iye wambile kuli ayo ngwenyi, Muze nanutumine kunushi chikwama, chipwe chipakumuna, chipwe haku, nwahonene chuma chimwe, nyi? O ambile ngwo, Nichimwe.

1 Samuel 21:8

David yamba kuli Ahimeleke ngwenyi, Kushi ni kunga hanji katana hakamwihi? Chambachile katana kami chipwe yitwa yami mumu mu milimo ya mwanangana chayitamba kulinga fuji.