Luka 10:31 - MUKANDA USANDU WA ZAMBI 1975

³¹ Mba umwe sasendote wapalumukine chipalikila jila yize; muze amumwene wapalikile ha sali likwo.

Mukanda Wa Zambi 1970

³¹ Mba umwe hako wa Zambi yeza mu jila yize. Muze hamona mwe mutu, yabalikila sali likwo.

Luka 10:31 Iomraidhean Croise

2 Samuel 1:6

Mba mukweze yoze wamunehenene liji yamba ngwenyi, Napalikanga chipalikila lume ha mulundu wa Ngilboa, kumanyi Saulu yeu, kanajikijila ha kunga lienyi, ni matemba-a-jita ni akwa tuvwalu kanamuhete.

Miaso (Masamu) 142:4

Tala ha chindume chami, umone kukushi niumwe yoze Unangunymgika. Uchinyino nauhona. Niumwe wanyonga mwono wami, wakuhi.

Miaso (Masamu) 69:20

Luchoko hanamakuna mbunge yami; ngunazala tò ni kulemewa. Nafupile amwe anguvwile kama keke, alioze akuhi. Nafupile amwe akwa kungulembejeka alioze chawanyine niumwe.

Yishima 21:13

Muze yiswale mateta, mweswe majika matwi jenyi iye nawa mateta alioze kechi kumwivwa.

Longeshi 9:11

Chikwo nawa, namwene kushi lia tangwa, mukwa tambu keshi kukumba mu Chizomboka; mukwa tachi keshi kukumba mu jita; mukwa mana keshi kuzuka kulia; mukwa yinyingi keshi kuzuka upite; mukwa utotombo keshi kumulemesa, alioze chakwawana nikulita ni tangwa liacho; chakupwa chipwila.

Izaya 58:7

Ngwami, Kupangila kulia chenu ni akwa zala, kuneha mu mazuwo jenu yiswale waze keshi zuwo. Muze munumona yoze keshi mazalo numufuke, kanda nuswama kuli mutu ni mukwenu.

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Hosea 5:1

Enu asasendote, ivwenu chino! Enu munyachi wa Izalele, panjikenu! Enu munyachi wa mwanangana, halakanenu! Upatwilo unatwala kuli yenu, mumu hinwapwa kambwila ku Mizepa, hinwapwa wanda wa kuta ku Tabore.

Hosea 6:9

Asasendote halikata hamuwika ngwe yingumba waze akujikinyina mutu. Kakushiha mu jila ya kuya ku Shekeme; ewa kakulinga ungulungulu.

Malaki 1:10

Nyi kachi kwali umwe yoze májila mapito, nulitwamine kuwika kahia mokomoko ha chilumbilo chami! Yehova-wa-Tujita kanambe ngwenyi, Chevwile kuwaha ni yenu; chichi kutambula mulambu ku moko-jenu.

Luka 10:30

Yesu wamukumbulwile ngwenyi, Umwe mutu wakatukile ku Yerusaleme, wapalumukine ku Yeriku; waliwanyine mukachi ka mihuza, eno, amutokwele mazalo, amupupwile, akatukile nikumuhichika ni chonono.

Luka 10:32

Chizechene Ka-Levi, muze aheteleko amumwene, wapalikile ha sali likwo.

Rute 2:3

Kashika yakatuka yaya nikuhuhujola mu munda kunyima lia akwa kucha mbuto. Yapwila chipwilila mu munda wa Mboaze usoko wa Elimeleke.