Luka 10:29 - MUKANDA USANDU WA ZAMBI 1975

²⁹ Alioze iye, nikuzanga kulisambisa, wambile kuli Yesu ngwenyi, Mba mwenyembo wami iya?

Mukanda Wa Zambi 1970

²⁹ Alioze mwe longeshi ya Shimbi yazanga kulisambisa, mba yahula Yesu ngwenyi: “Mwe mwenyembo wami iya?”

Luka 10:29 Iomraidhean Croise

Jobe 32:2

Mba Elihu mwana Mbarakele, Ka-Buze wa ku munyachi wa Rame yatenuka. Yatenuka ni Jo mumu yalisambisa mwene; kasambishile Zambi.

Alevi 19:34

Njize yoze hatunga ni yenu mapwa ngwe mwenyembo hakachi kenu. Munumuzanga ngwe nwakulizanga yenwene, mumu ni yenu nwapwile njize mu chifunchi cha Engitu. Yami Yehova Zambi yenu.

Marku 8:34

Watambikile kuli iye mbunga hamwe ni tumbaji twenyi, wambile kuli ayo ngwenyi, Kachi umwe mazanga kungukaula, akalikale liakulu iye mwene, akazundule kulusu yenyi, akangukaule.

Luka 10:36

Iya kashika wa kuli wano atatu, unamushinginyeka kupwa mwenyembo kuli yoze waliwanyine ni mihuza?

Luka 16:15

Iye wambile kuli ayo ngwenyi, Yenu nuli waze akulisambisa kumeso ja atu; alioze Zambi kananyingika mbunge jenu; mumu chize machilemesa chikolo hakachi ka atu, chapwa chizelwokeso kumeso ja Zambi.

A-ROMA 10:3

Mumu kakwalajala ha ululi wa Zambi, kakufupa kukolesa ululi wo ene, kalizeyesele ku ululi wa Zambi.

A-ROMA 4:2

Mumu kachi asambishile Apalahama ku yitanga, kachi kali ni chimwe cha kulisamba nacho; alioze hi kumeso ja Zambi ko;

Galashia 3:11

Mba chinasoloka pundu mutu niumwe keshi kumusambisa ku shimbi kumeso ja Zambi; mumu mukwa ululi kumenda ku Ufulielo.

Tiangu (Jake) 2:24

Nunamono ngwe masambisa mutu ku yitanga, ni hi ku Ufulielo wika ko.