Luka 10:27 - MUKANDA USANDU WA ZAMBI 1975

²⁷ Iye wakumbulwile ngwenyi, Ngwo, Ukazange Mwene Zambi ye ni mbunge ye yeswe, ni mwono we weswe, ni ngolo je jeswe, ni kunyonga che cheswe, ukazange mwenyembo we ngwe wakulizanga yena mwene.

Mukanda Wa Zambi 1970

²⁷ Mwe mutu yakumbulula ngwenyi: “ ‘Zanga Mwene Zambi ye ni mbunge ye yeswe, ni mwono we weswe, ni ngolo je jeswe, ni manyonga je eswe’; nawa: ‘Zanga mwenyembo we ngwe chize wakulizanga yena mwene.’ ”

Luka 10:27 Iomraidhean Croise

Alevi 19:18

Kanda ukakala mulonga. Kanda ukapwa ni kakucha mu mbunge kuli atu je, alioze ukazange mukwenu ngwe wakulizanga yena mwene. Yami Yehova.

Mateu 19:19

Lemesa tatenu ni noko, uzange mwenyembo we chizechene ngwe wakulizanga yena mwene.

Luka 10:26

Yesu wambile kuli iye ngwenyi, Chika chinasonewa mu shimbi? Ngwe kuchi unatange?

A-ROMA 13:9

Mumu ngwo, Kanda ulinga utanji; kanda ushiha; kanda wiya; kanda ushindakenya mahuza; kanda wivwa kuzo; nyi kachi liji likwo lia shimbi liliko, linasu mu liji lino ngwo, Uzange mwenyembo we chizechene ngwe unalizange yena mwene.

Galashia 5:13

Mumu anutambikile, mandumbu, nukatusuke; chino wika, kanda nukalumuna kutusuka chenu kaliongelo ka kulingila musunya, alioze ku zango lilingilenu umwe ni mukwo.

Shimbi 10:12

Haliapwila, enu A-Izalele, Yehova Zambi yenu kuchi anafupu kuli yenu? Kanafupu nuvwile woma Yehova Zambi yenu ni kwenda mu majila jenyi eswe, nikumuzanga, nikuvumbika Yehova Zambi yenu ni mbunge jenu jeswe ni alma jenu jeswe,

Shimbi 30:6

Yehova Zambi yenu makanupwisa ngalami ku mbunge jenu, ni mbunge ja ana jenu, nukazange Yehova Zambi yenu ni mbunge jenu jeswe, ni alma jenu jeswe, hanga nutwame ni mwono.

Shimbi 6:4

Enu A-Izalele, ivwenu, Yehova Zambi yetu iye Yehova umuwika.

Shimbi 6:5

Nuzange Yehova Zambi yenu ni mbunge jenu jeswe ni alma jenu jeswe, ni ndundo jenu jeswe.

Hebreu 8:10

Mumu uno we usendo mungukakwata ni akwa zuwo lia Izalele kulutwe lia matangwa aze, chocho anambe Mwene ngwenyi, Mungukasa shimbi jami mu kunyonga cho, ni ha mbunge jo nawa mungukajisoneka: mungukapwa kuli ayo Zambi, o kumakapwa kuli yami atu jami.

Tiangu (Jake) 2:8

Alioze kachi nwakulinga shimbi ya ku wanangana nikulita ni Chisoneko ngwo, Ukazange mwenyembo we ngwe wakulizanga yena mwene, kachi nwakulinga kanawa.

1 Yoano 3:18

Anami akepe, kanda tuzanga ni liji, chipwe ni limi; aiioze ni yitanga ni umwenemwene.