Luka 10:2 - MUKANDA USANDU WA ZAMBI 1975

² Iye wambile kuli ayo ngwenyi, Kucha chamwenemwene chinene, alioze akwa milimo akehe; liumbenu kashika kuli mwenya kucha, atume akwa milimo aye mu kucha chenyi.

Mukanda Wa Zambi 1970

² Yamba ngwenyi: “Mihuko yili yinji, alioze akwa milimo akepe. Kashika, liumbenu kuli mwenya minda hanga atume akwa milimo ni kuhela mihuko yenyi.

Luka 10:2 Iomraidhean Croise

1 Yitanga Ya Mianangana 18:22

Aho Eliya yamba kuli atu ngwenyi, Ami wika ukawami nasala profeta wa Yehova, alioze aprofeta ja Mbale o kulakaji awana a malunga ni makumi atano a malunga.

Miaso (Masamu) 68:11

Mwanangana kakuhana liji, alioze mapwo aze mambulula sango, chihuji chinene.

Jeremia 3:15

Mungukanwaha tufunga nikulita ni mbunge yami waze manulisa ni mana ni chinyingi.

Zakaria 11:17

Lamba kuli kafunga wamokomoko, yoze wakwehuka mapanga! Katana amulambe mu kwoko lienyi ni mu liso lienyi lia chindume! Kwoko lienyi likasosewe liakulu ni liso lienyi lia chindume Ukafwe liakulu.

Zakaria 11:5

Waze akwalanda kakwashiha ni kastigu yakuhi, ni waze akwalanjisa kakwamba ngwo, Yehova afumane, hinapwa pichi. Chipwe tufunga two ene kaavwilile keke.

Kwalula 11:17

Munguhulumuka nguhanjikeko ni yena. Munguchiza kuli Spiritu yoze uli hali yena, mungunwisa hali ayo, mba kumakambata chiteli cha atu hamwe ni yena hanga kuchi kachimbata yena mwene ukawe.

Kwalula 11:29

Mose yamba kuli iye ngwenyi, Unaavwila ukwa mumu hali yami nyi? Ngunazange kachi atu eswe a Yehova kapwa aprofeta, hanga Yehova ase hali ayo Spiritu yenyi.

Mateu 20:1

Mumu wanangana wa malilu kuunapu ngwe mutu mwenya zuwo, watuhukile ha chimenemene mukulakenya akwa milimo aye ku munda wenyi.

Marku 13:34

Chinapu ngwe mutu kanayi mu wenyi ku chifuchi chikwo, mahichika zuwo lienyi, mahana chiyulo kuli ndungo jenyi, kuli mweswe milimo yenyi, mamba mukwa kufunga pito, akalé.

Marku 16:15

Iye wambile kuli ayo ngwenyi, Yénu hashi heswe, nukambujole sango lipema kuli atu eswe.

Marku 16:20

O yatuhuka, yambujola kweswe, ni Mwene walingile hamwe no, nikukolesa liji ni yilayi yize yakawile. Amene.

Luka 9:1

Iye wakungulwile kumi ni aali, waahele tachi ni chiyulo helu lia andemoniu eswe, ni cha kuwuka misongo.

Yilinga 11:19

Achi, waze amwanganyine ha luyinda yoze wapwile mumu hali Eshetevau, apalikile ndusu mu chifuchi ndo ku Fwenishia, ni Saipulu, ni Andiakia, kahanjikile liji kuli hiumwe shina kuli A-Yunda wika.

Yilinga 13:2

Shimbu machivumbika Mwene, nikulitwamina kulia, Spiritu Musandu wambile ngwenyi, Selenu kuli yami haliapwila, Mbarnavwe ni Saulu ha milimo yize hingunaatambikila.

Yilinga 13:4

O kashika, se atumiwine kuli Spiritu Musandu, apalumukine ku Selushia; ni kuze endele mu ulungu ku Saipuru.

Yilinga 20:28

Keyelenu kuli yenwene, ni ku mbunga yeswe ya mapanga, yize Spiritu Musandu hananuse tulayi, mukufunga chikungulwila cha Zambi, chize azukile ni manyinga jenyi mwene.

Yilinga 22:21

Iye wambile kuli yami ngwenyi, Yako: mumu mungukutuma kusuku kuli akwa mavungu.

Yilinga 8:4

Waze kashika amwanganyine ayile kweswe nikwambujola lie liji.

1 Korintu 12:28

Zambi hanase amwe mu chikungulwila, chitangu apostolo, chamuchiali aprofeta, chamuchitatu alongeshi, kulutwe lia wano tachi ja yipupu, mba kulutwe yawana ya vumbi ya kuhindwisa, kukwasa, kutondekeza, malimi eka ni eka.

1 Korintu 15:10

Alioze ku vumbi lia Zambi nguli chize nguli; ni vumbi lienyi lize anguhele kuliapwile liamokomoko; alioze nakilikichile kuhiana eswe: hindu hi yami ko, alioze vumbi lia Zambi lize liapwile hamwe ni yami.

2 Korintu 6:1

Ni yetu nawa, ngwe ngamba-ni-akwenu, tunaliumbu kuli yenu ngwetu, Kanda nutambula vumbi lia Zambi mokomoko.

Filipu 2:21

Mumu o eswe kakufupa yuma ya ayo ene, hi yuma ya Yesu Kristu ko.

Filipu 2:25

Alioze nanyongene ngwami, Chatamba kutuma kuli yenu Epafwonditu, ndumbwami kanda mukwa milimo-ni-mukwetu, kanda swalale-ni-mukwetu, kanda kanganda kenu kanda mukwa kunguvumbika mu kuhona chami;

Filipu 2:30

mumu ha milimo ya Kristu wakundamine ku kufwa, nikusela mwono wenyi ku Utoji, hanga akangumwese chize nwahonene ha kulingila chenu kuli yami.

Kolosu 1:29

Ha chino nawa nakukilikita nikulitachika, nikulita ni kulinga chenyi chize chakulinga muli yami ni tachi.

Kolosu 4:12

Mukwenu Epafwa, ndungo ya Kristu Yesu, kananumeneka, matangwa eswe nikulitachika chikolo hali yenu mu yilemba yenyi, hanga nukamane ngú, angunu, akwa kulisela chinyingi liakulu mu upale wa Zambi.

1 Tesalonika 2:9

Mumu nunewuluka, mandumbu, kukilikita chetu ni kuhondangana chetu; nikulinga milimo ufuku ni mwalwa, hanga kutuchi kalemena kuli niumwe wa kuli yenu, twambujolele kuli yenu sango lipema lia Zambi.

1 Tesalonika 5:12

Tunaliumbu kuli yenu, mandumbu, nukanyingike waze akukilikita hakachi kenu, ni waze akunwendesa muli Mwene, ni waze akunukanyamisa;

2 A-TESALONIKA 3:1

Ha kusula, mandumbu, lembenu hali yetu, hanga liji lia Mwene likatambuke, likafumane, chizechene ngwe hakachi kenu;

1 Timoteu 4:10

Mumu ha chino, twakukilikita, no kakutuchoka, mumu twakutalatata hali Zambi ya mwono, iye mwe Chilamwina cha atu eswe, alioze kuhiana chikolo cha waze akufuliela.

2 Timoteu 4:5

Alioze yena, keyela ha yuma yeswe, nyongonona ni utunu ndusu mu yipi, linga milimo ya mukwa kwambujola, manununa uvumbiko we.

Filemu 1:1

Yami Paulu, funge ya Kristu Yesu, ni ndumbwetu Timoteu, Kuli Fwilimu, tunamuzange chikolo, mukwa milimo-ni-mukwetu,

Hebreu 3:6

Alioze Kristu ngwe mwe Mwana helu lia zuwo lienyi; yetu tuli zuwo lienyi nyi chamwenemwene mutulalaminya ku hamu lietu ni kulisamba cha kutalatala chetu cha ngú, ndo ku songo.

Usolwelo 2:1

Kuli mungelo wa chikungulwila cha ku Efwesu Soneka ngwe, Yino yuma kanambe yoze wakukwata matongonoshi shimbiali mu kwoko lienyi lia chindume, yoze wakwenda mukachi ka yikwachilo shimbiali ya ndeya ya oru, ngwenyi,