Luka 10:16 - MUKANDA USANDU WA ZAMBI 1975

¹⁶ Yoze manwivwa, mangwivwa yami; ni yoze malituna yenu, malituna yami; ni yoze malituna yami, malituna yoze wangutumine.

Mukanda Wa Zambi 1970

¹⁶ Yambila tumbaji twenyi ngwenyi: “Yoze manwivwa, mangwivwa yami. Yoze malituna yenu, malituna yami. Ni yoze malituna yami, malituna yoze wangutumine.”

Luka 10:16 Iomraidhean Croise

Kutuhuka 16:7

Mba muze mu kucha kumunukamona ulemu wa Yehova, mumu iye kanevu kulinyenyeta chenu ni Yehova. Yetu aya? Munulinyenyeta ni yetu nyi?

Kutuhuka 16:8

Mose yamba ngwenyi, Muze ha chingoloshi Yehova makanwaha yifwo nukalie; mba ha kucha mbolo nukakute mununyingika Yehova kanevu kulinyenyeta chenu ni iye. Yetu aya kevwe? Kunwalinyenyetene ni yetu, ka, alioze ni Yehova.

Malaki 1:6

Mwana kakulemesa tato; ni kavumbi kakuvwila woma mwata wenyi. Nyi nguli tatenu ulemu wami ulihiwo? Nyi nguli mwata woma nwakunguvwila ulihiwo? Chocho kanambe Yehova-wa-Tujita kuli yenu asasendote nwakulelesa jina liami. Enu nunambe ngwenu, Kuchi twalelesa jina lie?

Kwalula 14:11

Yehova yamba kuli Mose ngwenyi, Ndo mwiji muka wano atu mapwa nikungunyehuna? Ndo mwiji muka keshi kungufuliela, chipwe o hanamono yilayi yeswe nalingile hakachi ko?

Kwalula 14:2

A-Izalele eswe yalinyenyeta hali Mose ni Arone, akwa chikungulwila eswe yamba kuli ayo ngwo, Mala, kachi twafwile mu chifuchi cha Engitu; chipwe kachi twafwile muno mu puya yino!

Kwalula 16:11

Kashika ni yena ni mbunga ye yeswe nunakunguluka nikulimika ni Yehova. Arone kuchi apwa, nunalinyenyeta hali iye?

Mateu 10:40

Yoze manutambula, mangutambula yami; yoze mangutambula yami, matambula yoze wangutumine.

Mateu 18:5

Mweswawo matambula mwana mukepe umuwika ngwe yono mu jina liami mangutambula yami.

Marku 9:37

Mweswawo matambula umwe mwana mukepe ngwe yono mu jina liami, mangutambula yami: ni mweswawo mangutambula yami, keshi kungutambula yami, alioze matambula yoze wangutumine.

Luka 9:48

Wambile kuli ayo ngwenyi, Mweswawo matambula yono mwana mukepe mu jina liami, mangutambula yami: ni mweswawo mangutambula yami, matambula yoze wangutumine: mumu yoze mukepe Wahiana eswe hakachi kenu, mwenawo munene.

Yoano 12:44

Yesu wakololokele ngwenyi, Yoze mangufuliela kafulieleleko yami, alioze kuli yoze wangutumine.

Yoano 12:48

Yoze malituna yami, keshi Kutambula maliji jami, kali ni yoze mamupatwila: liji lize nahanjikile, lienalio kumulikamupatwila ha tangwa lia kusula.

Yoano 13:20

Pundu, pundu, ngunambe kuli yenu ngwami, Yoze matambula mweswe mungumutuma, mangutambula yami; ni yoze mangutambula, matambula yoze ngutumine.

Yilinga 5:4

Shimbu kanda uulanjisa, kuwapwile niwe, nyi? Ni muze hiwaulanda, kuwapwile mu chiyulo che, nyi? Ngwe kuchi hiunase chuma chino mu mbunge ye? Kwahanjikile mahuza kuli atu, alioze kuli Zambi.

Galashia 4:14

chize chapwile chuma chikalu kuli yenu mu musunya wami kunwachilelesele, chipwe kunwalitunyinecho; alioze nwangutambwile ngwe mungelo wa Zambi, ngwe Kristu Yesu.

1 Tesalonika 4:8

Kashika yoze malituna, malituna hi atu ko, alioze Zambi, yoze wakunwaha Spiritu yenyi Musandu.