Luka 10:15 - MUKANDA USANDU WA ZAMBI 1975

¹⁵ Ni yena Kafwanaume, makakunangamisa ndo mwilu, nyi? Kumakakuhulumuna ndo ku Heteze.

Mukanda Wa Zambi 1970

¹⁵ Ni yenu akwa Kafarnaume, nunanyongo ngwenu, maakanuzundula ndoo kwilu, nyi? Kumaakanuhulumuna ndoo mu kahia!”

Luka 10:15 Iomraidhean Croise

Ubutukilo 11:4

Yamba ngwo, Tuyenu tutunge limbo, ni kaposhi songo lienyi likahete mwe mwilu, tukapwe ni jina kuchina mutumwangana mwamwa hashi heswe.

Izaya 5:14

Kashika Shiole hiyokesa solo liayo; hiyatohesa kanwa liayo kuhiana, mba alemu ja Yerusaleme ni mbunga yako kanalundumukako, chihuji chako ni mweswe unalikwiza nayo.

Jeremia 51:53

Chipwe Babilonia manyina ku malilu; chipwe makolesa ngwe mbonge ya mwilu, hindu yonwonyi munguyihuiumuna hali iye. Chocho kanambe Yehova.

Ezekiel 26:20

henaho mungukakunyasa hamwe ni waze akuya mu jondo, kuli atu a shakulu; mungukakutwamisa muma mushi lia muno-muze mu yihela yize ya kwenyeka ya shakulu hamwe ni waze akuya ku jondo. Chocho kuchi kapwa ni atu, chipwe chihela mu chifuchi cha akwa mwono.

Ezekiel 31:18

Chocho walifwa neya mu uhenya ni ulemu hakachi ka mitondo ya Endene? Kumakakuhulumuna muma mushi lia muno-muze hamwe ni mitondo ya Endene. Kumukapomba hakachi ka yilima, hamwe ni waze haashiha ni katana. Mwene Yehova kanambe ngwenyi, Chocho apwa Falau ni chihuji chenyi cheswe.

Ezekiel 32:18

Mwana mutu, lila mbimbi ha mbunga ya A-Engitu, ukaatume, ni iye ni ana a mapwo a ku mavungu a uhenya, muma mushi lia munomuze, kuli waze akuya ku jondo, ngwe,

Ezekiel 32:20

Makalimbukila hakachi ka waze anaashihi ni katana, mba mbunga jenyi jeswe mujikapomba hamuwika nenyi.

Ezekiel 32:27

Kapombele ni yilima a ndundo aze afwile, aze ayile ku Shiole ni yitwa yo ya jita, aze te tutana two haasa mushi lia mitwe yo, ni kepwe jo ha yifwaha yo. Mumu mwongo wa akwa ndundo wapwile mu chifuchi cha akwa mwono.

Obadia 1:4

Yehova kanambe ngwenyi, Chipwe mulinangamisa ngwe pupa; chipwe muosa walo we hakachi ka matongonoshi hindu mungukuhulumunako.

Mateu 10:28

Kanda nukavwila woma waze akushiha mujimba, hindu kahashile kushiha alma: alioze Shinaho muvwilenu woma yoze mahasa kwonwona ni alma ni mujimba mu Ngehena.

Mateu 11:23

Ni yena Kafwanaume hakunangamisa ndo mwilu, kumakakuhulumuna ndo ku Heteze: mumu kachi yipupu yize alingile muli yena, ayilingile mu Sondome, kachi kuchasala ndo tangwa lino.

Mateu 4:13

Yahichika Nazare, yaya mukutwama mu Kafwanaume, limbo lize Uli ku sesa lia Chitende, mu manjiza ja Zapulone ni Napatali;

Luka 13:28

Kumukukapwa malilo ni kulikopola ku mazo, muze munumona Apalahama ni Izake ni Yakomba ni aprofeta eswe mu wanangana wa Zambi, ni yenwene manumbila haze.

Luka 16:23

Iye mu Heteze yahetula meso jenyi mu upinjilo, yamona Apalahama kusuku ni Lazaru mu kondo yenyi.

Shimbi 1:28

Tukandukile kulihi nyi? Akwetu hanatushihi mbunge jetu ngwo, Atu jako anene, atolomoka kuhiana yetu. Membo anene, yipanga yo yaheta ku malilu. Chikwo nawa, yitumonako ana ja A-Anake a malunga.

2 Petulu 2:4

Mumu kachi Zambi kavwilile keke angelo muze avulumwine, aiioze waanyashine mu Tartaru, waakunjikile ku malenge ja milima mukwafunga ndo ku upatwilo.