Luka 10:14 - MUKANDA USANDU WA ZAMBI 1975

¹⁴ Alioze kumuchikapwa chashi ha Teru ni Sendone ha upatwilo, chikalu hali yenu.

Mukanda Wa Zambi 1970

¹⁴ Ha Tangwa lia Ubatwilo lamba lienu mulikabwa likalu, kuhiana lize lia akwa Tiru ni akwa Sidone.

Luka 10:14 Iomraidhean Croise

Joele 3:4

Enu, Teru ni Sendone ni yifuchi yeswe ya Filistea, kuchi nwapwa kuli yami? Nunangukundulula chimwe chuma, nyi? Nyi munungukundulula chimwe chuma, ni yami fuji-fuji munguchihilwisa ha mitwe yenu.

Amose 1:9

Yehova kanambe ngwenyi, Mumu ha milonga yitatu ya Teru hanji yiwana, chichi kahilwisa kastigu, mumu akunjikile vungu lia muwundu ku Endome kewulukile usendo wa usoko.

Amose 3:2

Hakachi ka minyachi yeswe ya hashi yenu wika hinanunyingika, kashika mungukanwaha kastigu mumu ha uhenge wenu weswe.

Mateu 10:15

Pundu ngunambe kuli yenu ngwami, Kumuchikapwa chashi ha chifuchi cha Sondome ni Ngomora ha tangwa lia upatwilo, kumuchikapwa chikalu ha limbo lize.

Mateu 11:21

Ngwenyi, Lamba kuli yena Karazene! lamba kuli yena Mbeteseta! mumu kachi yipupu yize alingile hakachi kenu, ayilingile mu Teru ni Sendone kachi alikonyekene kulu ni chikeleyi ni uto.

Yoano 3:19

Uno we upatwilo, ngwo, Pangu hilineza hano hashi, ni atu azangile milima, hi pangu ko; mumu yitanga yo yapwile ya ungulungulu.

A-ROMA 2:1

Kashika yena kushi kaliongelo, yena mutu, mweswawo wapwa, wakupatwila mukwenu: mumu ni chize mupatwita mukwenu, mulihisa yena mwene; mumu yena wakupatula, kuwakulinga yuma yize yene.

A-ROMA 2:27

Mba yilima ku chisemewa kachi mamanununa shimbi kechi kakupatwila, nyi? Yena uli ni lusona ni ungalami, alioze unatangula shimbi, nyi?