Luka 10:11 - MUKANDA USANDU WA ZAMBI 1975

¹¹ Chipwe fufuta ya ku limbo lienu, yize yakulalaminya ku yihato yetu, tunakukumwina hali yenu; hindu nyingikenu chino, wanangana wa Zambi hiunakundama.

Mukanda Wa Zambi 1970

¹¹ ‘Tunakukumuna fufuta ya mu limbo lienu yize yinalalaminya ku yiliato yetu. Alioze nyingikenu kanawa ngwenu, Wanangana wa Zambi hiwakundama!’

Luka 10:11 Iomraidhean Croise

Ezekiel 2:5

Chipwe mevwa, chipwe kasolo kwivwa (mumu kapwa munyachi wa yihulia) makanyingika profeta hwali hakachi ko.

Mateu 10:14

Mweswawo kechi kanutambula, chipwe kechi kevwa maliji jenu, shimbu munutuhuka mu zuwo lize, hanji limbo lize, nukakukumwineho fufuta ya ku molu jenu.

Mateu 10:7

Shimbu munuya, ambujolenu ngwenu, Wanangana wa malilu hiwakundama.

Mateu 3:2

ngwenyi, Likonyekenu; mumu wanangana wa malilu hiunakundama.

Marku 6:11

Ni kweswako kechi kanutambula, chipwe kunwivwa, ha kukatukamo, nukakukumwineho fufuta yize yili kushi lia yiliato yenu, yikape Shindakenyo kuli ayo. Pundu ngunambe kuli yenu ngwami, Kumuchikapwa chashi ha Sondome ni Ngomora ha tangwa lia upatwilo, chikalu ha limbo lize.

Luka 10:10

Alioze mu limbo heswaho mununjila, o keshi kunutambula, nukatuhuke mu mikwakwa yaho, ngwenu,

Luka 10:9

nukawuke mieji waze alimo, nukambe kuli ayo ngwenu, Wanangana wa Zambi hiunakundama kuli yenu.

Luka 9:5

Waze eswe kechi kanutambula, muze munukatuka ku limbo lize, nukakukumwine fufuta ku yiliato yenu chikapwe Shindakenyo hali ayo.

Yilinga 13:26

Mandumbu, ana ja munyachi wa Apalahama, ni waze hakachi kenu akwivwa woma wa Zambi, kuli yetu liji lia ulamwino uno linatumiwa.

Yilinga 13:40

Kanyamenu kashika, kuchina chize anachihanjika mu mikanda ya aprofeta muchikeza hali yenu ngwo;

Yilinga 13:46

Ni Paulu ni Mbarnavwe ahanjikile ni hamu, ngwo, Chinatambe kuhanjika liji lia Zambi kuli yenu hatangu. Alioze se nunalichinji kuli yenu, ni se nunalipatwila kunwatelele mwono wa mutolo, tunatewulukila kuli akwa mavungu.

Yilinga 13:51

Alioze o akukumwine fufuta ku molu jo mukwahisa, ayile ku Ikoniu.

A-ROMA 10:21

Alioze hali A-Izalele kanambe ngwenyi, Tangwalieswe nganganga nolwele moko jami kuli atu ja uhulia, a kuhamika.

A-ROMA 10:8

Alioze kuchi unambe ngwo? Liji lili hehi ni yena, mu kanwa lie, ni mu mbunge ye: te liji lia Ufulielo lize twakwambujola:

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.