Luka 10:1 - MUKANDA USANDU WA ZAMBI 1975

¹ Achi, kulutwe ha yino yuma, Mwene watongwele makumi shimbiali akwo, waatumine aali ni aali kulutwe ha meso jenyi ku membo eswe ni kweswe himaya mwene.

Mukanda Wa Zambi 1970

¹ Mwabwamuze Mwene Yesu yatongola atu akwo makumi shimbiali ni aali. Yatuma aali aali kulutwe lienyi mu membo eswe ni kuma kweswe kuze iye mwene ambile kuya.

Luka 10:1 Iomraidhean Croise

Ezekiel 8:11

Kumeso jo kwamanyine makumi shimbiali a malunga, makulwana a munyachi wa Izalele, ni Jazania mwana Shafana kanamana hakachi ko. Mweswe kali ni kandeho ka kwochelamo insensu mu kwoko lienyi, ni lelwa lia mwishi wa insensu linafwindangana.

Kwalula 11:16

Yehova yamba kuli Mose ngwenyi, Ukungulwile kuli yami makumi shimbiali a malunga a kuli makulwana a A-Izalele, unaanyingika ngwe kapwa makulwana ja e atu, ni tulayi two. Watwale ku mbalaka ya chikungulwila, hanga amanyineko hamwe ni yena.

Luka 1:17

Kumakaya kulutwe lia meso jenyi ni spiritu ni tachi ja Eliya, mukutewulwila mbunge ja atato kuli ana, ni yihulia ku ukanyame wa akwa ululi; mukululikila Mwene amwe atu aalulikile.

Luka 1:76

Ewa, ni yena mwana, kumakakuvuluka ngwo, Profeta wa mwe Chitunda: mumu kumukaya kulutwe lia meso ja Mwene mukululika majila jenyi;

Luka 7:13

Muze Mwene amumwene, wamuvwilile keke, wambile kuli iye ngwenyi, Kanda ulila.

Luka 7:19

Mba Yoano watambikile aali a kuli tumbaji, waatumine kuli Yesu, ngwenyi, Shina yena uli yoze meza, nyi? Shina mutatalatala mukwo?

Luka 9:52

Iye watumine tunganda kulutwe lia meso jenyi: o ayile, anjilile mu chihunda cha A-Samaria, hanga amululikile.