Luka 1:9 - MUKANDA USANDU WA ZAMBI 1975

⁹ nikulita ni ndako ya usasendote, chapwilile kuli iye, ha kuta chela kunjila mu tembele ya Mwene mukwocha linsensu.

Mukanda Wa Zambi 1970

⁹ Nikulita ni ndako ya mahako, yamutongola, ha kuta chela, ha kunjila mu zuwo lia Mwene Zambi ni kwocha milambu ya vumba libema.

Luka 1:9 Iomraidhean Croise

1 Sango Ja Mianangana 23:13

Ana ja Amarame, Arone ni Mose. Yahandununa Arone, akatumbikile yuma yisandu yahiana, iye ni ana jenyi ndo ku miaka. Akoche insensu kumeso ja Yehova, ni kumuvumbika, ni kuwahisa atu ni jina lienyi ndo ku miaka.

1 Sango Ja Mianangana 6:49

Alioze Arone ni ana jenyi alambwile ha chilumbilo cha milambu ya kulumba ni ha chilumbilo cha insensu, ha milimo yeswe ya muma musandu mwahiana ni ha kukukila A-Izalele nikulita ni yeswe Mose kavumbi ka Zambi watumine.

2 Sango Ja Mianangana 26:16

Alioze muze hatakama, mbunge yenyi yiyilifuza alinge uhenge, mba yavulumuna Yehova Zambi yenyi. Yanjila mu tembele ya Yehova akoche insensu ha chilumbilo cha insensu.

2 Sango Ja Mianangana 29:11

Ana jami, kanda nulengulula chuma chino, mumu Yehova hananutongola nukamane kumeso jenyi ni kumuvumbika, nukapwe tuvumbi twenyi, ni kwocha insensu.

Kwalula 16:40

Chikapwe Chiwulwiso kuli A-Izalele, kuchina umwe mukwo, hi wa kuli ana a Arone ko, makundama, akoche insensu kumeso ja Yehova; hanga kechi kupwa ngwe Kora, ni ngwe mbunga yenyi; chizechene ngwe Yehova wambile kuli iye ku kanwa lia Mose.

Mateu 27:5

Aye wambilile mbongo ja prata mu tembele, yakatuka, yaya, yalisukika.

Hebreu 9:6

Achi, yino yuma se ayilulikile chocho, asasendote kakunjilanjila matangwa eswe mu mbalaka yitangu nikulingalinga uvumbiko wo;

1 Samuel 2:28

Chamusakwile hakachi ka minyachi yeswe ya Izalele akapwe sasendote yami, akakundame ku chilumbilo chami kwochela insensu, nikuzala efode kumeso jami, nyi? Chahanyine kuli munyachi wa tatenu milambu yeswe ya kahia ya A-Izalele, nyi?