Luka 1:79 - MUKANDA USANDU WA ZAMBI 1975

⁷⁹ Mukupanguka hali waze akutwama mu milima ni mu Chizulie cha kufwa; mukutemwina molu jetu mu jila ya sambukila.

Mukanda Wa Zambi 1970

⁷⁹ ha kutemwina waze ali mu milima ni mu chizulie cha kufwa, ha kutondekeza molu jetu mu jila ya uhwimino.”

Luka 1:79 Iomraidhean Croise

Jobe 10:22

chifuchi chize cha kulá ni kuvundangenya, kuze pangu liako liapwa milima.

Jobe 3:5

Kulá ni milima pwi yikalizuke. Malelwa akalizulamine; milima ya ha mwalwa yikalikolese mwongo.

Miaso (Masamu) 107:10

Waze atwamine mu milima, mu Chizulie cha kufwa, a kukasa mu luyinda ni utale,

Miaso (Masamu) 107:14

Waachijile ku milima ni ku Chizulie cha kufwa. Wapatwile malenge jo tuyipatupatu.

Miaso (Masamu) 23:4

Ewa, chipwe mungwenda ndusu mu chikulo cha Chizulie cha kufwa, chichi kwivwa woma wa chipi nichimwe; mumu yena uli hamwe ni yami; mulumbu we ni lukanda we muyingulembejeka.

Miaso (Masamu) 25:12

Mutu yoze wakuvwila woma Yehova iya? Mwenawo mamulongesa jila yize mayitongola.

Miaso (Masamu) 44:19

Chipwe hiwatufwenya mu chihela cha mikuza; hiwatuzulamina ni Chizulie cha kufwa.

Yishima 3:17

Ndako jenyi japwa ja kuwaha, mba majila jenyi jeswe ja sambukila.

Yishima 8:20

Kunakwenda mu jila ya ululi, he hakachi ka majila ja upatwilo,

Izaya 42:16

Mungusongwela tupuputa kuze kanyingikineko. Mu majila kanyingikine mungwatalikisa. Milima yize yili kumeso jo mungupwisa pangu, mungusalamisa kuze kwapwa kwa yikulinga-yikulinga. Yino yuma mungulinga, chichi kwaehuka.

Izaya 42:7

ni kulawisa meso ja tupuputa; kuchiza funge ku zuwo lia ususu, ni waze anatwama funge mu milima kwachizamo.

Izaya 48:17

Yehova, Mukwa-Kunukula, mwe Musandu wa Izalele, kanambe ngwenyi, Yami nguli Yehova Zambi yenu, yoze wakunulongesa hanga nukalumbunuke, yoze wakunusongwela mu jila yize Chanutamba kuya.

Izaya 48:22

Yehova kanambe ngwenyi, Uhwimino kuushiko kuli yingulungulu.

Izaya 49:6

Yehova yono kanambe ngwenyi, Chalela naye hali yena ukapwe kavumbi kami wa kuhuzulula minyachi ya Yakomba, ni kuhilwisa kuli yami waze asala a kuli A-Izalele. Mungukupwisa nawa pangu ku mavungu hanga ulamwino wami ukahete ndo ku songo lia hashi.

Izaya 49:9

ukambe kuli funge ngwe, Tuhukenu, kuli waze atwama mu milima ngwe, Solokenu. Kumakalia mu jila, ku milundu ya hululu makawana kelo.

Izaya 59:8

Jila ya uhwimino kayinyingikine, mu majila jo kumushi ululi. Hapwisa majila jo ja uhenge, waze alimo kanyingikine uhwimino.

Izaya 9:2

Atu aze endele mu milima hamona pangu linene; waze atwamine mu chifuchi cha milima pwi, hali ayo pangu linene hilinapanguka.

Jeremia 2:6

Kambile ngwo, Yehova kuli ali? Yoze watuchijile ku chifuchi cha Engitu, watusongwelele mu puya, mu chifuchi cha kango ni mena, mu chifuchi cha pwila ni milima pwi, mu chifuchi kuze niumwe mapalikamo, niumwe matwamamo.

Jeremia 6:16

Yehova kanambe ngwenyi, Manenu ku sesa lia matapalo nutale, nukahule majila a ku shakulu, kukuli jila yipema nwendemo, nukawane uhwimino ha mbunge jenu. Alioze o ambile ngwo, Kutuchi kwendamo.

Mateu 4:16

Atu aze atwamine mu milima hanamono pangu linene, Waze atwamine mu chifuchi cha kufwa ni Chizulie chacho, Kuli ayo pangu hilinasoloka.

Luka 2:32

pangu lia kutemwina akwa mavungu, ni uhenya wa atu je, A-Izalele.

Yoano 1:9

Pangu liamwenemwene liapwile lize, ha kwiza hano hashi, mulipangulwisa atu eswe.

Yoano 12:46

Hinguneza ngwe pangu hano hashi, hanga mweswawo mangufuliela, kechi katwama mu milima.

Yoano 8:12

Kashika Yesu wahanjikile cheka nawa kuli ayo ngwenyi, Pangu lia hashi yami: yoze wakungukaula, kechi kenda mu milima, alioze kumakapwa ni pangu lia mwono.

Yoano 9:5

Shimbu nguli hano hashi, pangu lia hashi yami.

Yilinga 10:36

Liji lize watumine kuli ana a Izalele, nikwambujola sambukila muli Yesu Kristu; (iye Mwene wa eswe),

Yilinga 26:18

Mukulawisa meso jo, hanga akatewuluke ku milima ndo ku pangu, ku tachi ja Satana ndo kuli Zambi, hanga akatambule ukonekeno wa milonga, ni chihinga hakachi ka waze hanaasela ku usandu ku Ufulielo kuli yami.

A-ROMA 3:17

jila ya uhwimino kayinyingikine:

Efesu 5:8

Mumu yenu nwapwile milima ha miaka ya kunyima, alioze haliapwila nuli pangu muli Mwene: endenu chizechene ngwe akwa pangu,