Luka 1:78 - MUKANDA USANDU WA ZAMBI 1975

⁷⁸ Mumu ha mbunge ya keke ya Zambi yetu, ku yenayo kucha cha tangwa kwilu muchikacha hali yetu,

Mukanda Wa Zambi 1970

⁷⁸ Zambi yetu kali mukwa ululi kanda mukwa keke. Makatutemwina pangu lia mwilu ngwe chize liakuvumbuka tangwa,

Luka 1:78 Iomraidhean Croise

Miaso (Masamu) 25:6

Yehova, iwuluka keke ye, ni utu wa zango lie, mumu hihapwa chize ku shakulu.

Izaya 11:1

Kumukusoka mutombo umwe ku chimbunji cha Yese; mutango wa ku miji yenyi muukema mihuko.

Izaya 42:16

Mungusongwela tupuputa kuze kanyingikineko. Mu majila kanyingikine mungwatalikisa. Milima yize yili kumeso jo mungupwisa pangu, mungusalamisa kuze kwapwa kwa yikulinga-yikulinga. Yino yuma mungulinga, chichi kwaehuka.

Izaya 63:15

Ku zuwo lie lisandu lia uhenya kwilu tala hashi umone. Tachi je ja mbunge, ni ndundo je jilihijo? Usona we ni keke ye wanguminayo.

Izaya 63:7

Mungwambulula utu wa zango lia Yehova. Mungwambulula uhaliso wa Yehova, nikulita ni yuma yeswe Yehova hatwaha, ni yipema yize yinene hahana ku munyachi wa Izalele, yize haaha nikulita ni keke yenyi, nikulita ni kulumbama cha utu wa zango lienyi.

Zakaria 3:8

Yena Yoshua sasendote mukwa lutwe, panjika hamwe ni akwenu waze akutwama kumeso je, mumu o kapwa chilayi. Tala, mungukaneha kavumbi kami mwe Mutango.

Zakaria 6:12

ukambe kuli iye ngwe, Yehova-wa-Tujita kanambe ngwenyi, Talenu mwe lunga jina lienyi Mutango; mumu makatatuka muma mwenyi; makatungisa tembele ya Yehova.

Malaki 4:2

Alioze kuli yenu nwakuvwila woma jina liami lie tangwa lia ululi mulikavumbuka ni mapulwa jenyi mapwa akwa kuwuka. Munukatusuka, nikutumbwoka ngwe yimbembe ja ngombe ku zuwo lio.

Kwalula 24:17

Ngunamumono, ahoze hi haliapwila ko; ngunamutale, ahoze hi hakamwihi ko: Kumukuvumbuka Lutongonoshi wa kuli Yakomba, Lukanda kumakasoloka muli Izalele. Kumakalemeka ndusu mahuma ja A-Moape. Kumakanunguna ana eswe a Shete.

Yoano 3:16

Mumu chocho Zambi wazangile akwa hashi, wechele Mwanenyi wa wika, hanga mweswawo mamufuliela, kechi katoka, alioze akapwe ni mwono wa mutolo.

Efesu 5:14

Kashika kanambe ngwenyi, Laula, yena uli mu tulo, uhinduke hakachi ka afu, ni Kristu makakutemukina.

Filipu 1:8

Mumu Zambi iye chela chami, chize nakunuvwila eswe usona mu zango lia Yesu Kristu.

Filipu 2:1

Kashika kachi kuchili kulembejeka chimwe muli Kristu, kachi kusangulwisa chimwe cha zango, kachi kuliendela chimwe cha Spiritu, kachi mbunge yimwe ya keke,

Kolosu 3:12

Kashika ngwe ana aze hanaatongola Zambi, asandu, waze kanaazange chikolo, zalenu mbunge ja keke, ni utu, ni mbunge ja kulikehesa, ni kushimbika, ni uhomboloji;

2 Petulu 1:19

Ni yetu, liji lia uprofeto tuli nalio, hanalikolesa kuhiana chikolo; munulinga kanawa nuliononokene ngwe ku ndeya ya kupanguka mu milima, ndo tangwa mulicha, ni mukwa pangu mavumbuka mu mbunge jenu.

1 Yoano 3:17

Alioze yoze mapwa ni yikumba ya hano hashi, mamona ndumbwenyi kanahono, makalisa mbunge yenyi kuli iye, ngwe kuchi zango lia Zambi mulitwama muli iye?

Usolwelo 22:16

Yami Yesu hingunatumu mungelo wami mukushindakenya yino yuma kuli yenu mu yikungulwila. Yami nguli che chikota, mwe Mwana wa David, we mutumbu wa kutemuka.