Luka 1:74 - MUKANDA USANDU WA ZAMBI 1975

⁷⁴ Mukuhana kuli yetu, tukapuluke ku moko ja akwa kole jetu, tukamulingile ni woma wakuhi,

Mukanda Wa Zambi 1970

⁷⁴ mu kutukula ku tachi ja akwa kole jetu, ni kututayiza mu kumuvumbika woma wakuhi,

Luka 1:74 Iomraidhean Croise

1 MIANANGANA 17:39

Alioze Yehova Zambi yenu muvwilenu woma, mba iye kumanupulula ku moko ja akwa kole jenu eswe.

Miaso (Masamu) 119:134

Ungukule kama ku yihungumiona ya atu, chocho mungufunga ndongo je.

Izaya 43:21

atu aze nawumbile hali yami mwene hanga akambulule uhaliso wami.

Izaya 45:17

Alioze Yehova kakulamwina A-Izalele ni ulamwino wa mutolo. Enu kunuchi kevwa sonyi chipwe kutatajala ku miaka ya mutolo.

Zakaria 8:19

Yehova-wa-Tujita kanambe ngwenyi, Kulitwamina kulia ha kakweji wamuchiwana, ni ha kakweji wamuchitano, ni ha kakweji wamuchishimbiali, ni ha kakweji wamuchikumi, yeswe muyipwa kuli akwa munyachi wa Yunda matangwa a uwahililo ni chiseke, ni yiwanyino ya maseho. Kashika zangenu umwenemwene ni sambukila.

Luka 1:71

Hanga akatulamwine ku moko ja akwa kole jetu, ni ku moko ja waze eswe akutuvwila kole;

Luka 1:73

Shingo lize walishingile kuli kulwetu Apalahama,

Luka 1:75

Mu usandu ni ululi kumeso jenyi matangwa eswe a mwono wetu.

A-ROMA 6:22

Alioze haliapwila se hinunatusuka ku shili, hinunapu ndungo ja Zambi, mihuko nuli nayo ndo ku usandu, ni songo liawo, mwono wa mutolo.

A-ROMA 8:15

Mumu yenu kunwatambwile Spiritu ya undungo cheka nawa mukwivwa woma; alioze nwatambwile Spiritu ya kunupwisa ana, yoze twakuteta nenyi ngwetu, Ta-ta, Tata.

2 Timoteu 1:7

Mumu Zambi katuhele Spiritu ya mwongo; alioze ya tachi, ni zango, ni mana.

Hebreu 2:15

hanga akatusule waze eswe, ku woma wa kutwa ndusu mu mwono wo weswe akwachikile mu undungo.

Hebreu 9:14

Shinaho chikolo manyinga a Kristu, yoze kuli Spiritu wa mutolo walilambwile keshi kapalia kuli Zambi, mapemesa mbunge jenu ku yitanga ya kufwa hanga nukavumbike Zambi ya mwono?

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.