Luka 1:71 - MUKANDA USANDU WA ZAMBI 1975

⁷¹ Hanga akatulamwine ku moko ja akwa kole jetu, ni ku moko ja waze eswe akutuvwila kole;

Mukanda Wa Zambi 1970

⁷¹ Hanalakenya ngwenyi, makatupulula ku tachi ja akwa kole jetu, ku tachi ja waze akutuvutwokela.

Luka 1:71 Iomraidhean Croise

1 MIANANGANA 17:39

Alioze Yehova Zambi yenu muvwilenu woma, mba iye kumanupulula ku moko ja akwa kole jenu eswe.

Miaso (Masamu) 106:10

Waapulwile ku kwoko lia yoze waavwilile kole. Waakulile ku kwoko lia mukwa kole.

Miaso (Masamu) 106:47

Yehova Zambi yetu, utulamwine kama utuchize hakachi ka mavungu nikutukungulula, hanga tukasakwile ku jina lie lisandu, tukakumbe mu uhaliso we.

Jeremia 23:6

Ha matangwa jenyi malamwina Yunda, ni Izalele matwama ni sambukila. Jina lize mamwaha ngwo, Yehova ululi wetu.

Jeremia 32:37

mungwakonga ku yifuchi yeswe kuze naahuminyine mu utenu wami ni ufwatulo wami, ni matoto anji. Mungwaneha cheka nawa ku chifuchi chino nikwatwamisa ni sambukila.

Ezekiel 28:26

Kumakatwamamo ni chipi chakuhi, ni kutunga mazuwo, ni kutumba minda ya uva. Kumakatwama ni chipi chakuhi, muze hinalinga upatwilo wami hali waze eswe anaajingilika waze te hanaalelesa. Henaho makanyingika yami nguli Yehova, Zambi yo.

Ezekiel 34:25

Mungukakolesa no usendo wa sambukila. Mungukahuma tushitu eswe asasu mu chifuchi, mba mahasa kutwama mu puya ni kupomba mu musenge ni chipi chakuhi.

Ezekiel 34:28

Kechi kapwa nawa a kupupa kuli akwa mavungu; tushitu a mu chifuchi kechi kaawumbula nawa. Makatwama ni chipi chakuhi; niumwe makaakolesa woma.

Ezekiel 38:8

Kulutwe lia matangwa anji makakukungulula; ha miaka ya kusula mukaya kulimika ni chifuchi chize hanachihwimisa ku jita ni kuchilulika; chifuchi kuze e atu haakonga ku mavungu anji ku milundu ya Izalele kuze kwapwile te puya ya miaka. Atu jako aachijile hakachi ka mavungu mba haliapwila kanatwama ni chipi kuchishiko—e eswe lume.

Luka 1:68

Mwene Zambi ya Izalele afumane; mumu hanatale hali atu jenyi, hanaalingila ukule.

Luka 1:74

Mukuhana kuli yetu, tukapuluke ku moko ja akwa kole jetu, tukamulingile ni woma wakuhi,

Shimbi 33:29

Izalele! Kuwawaha. Iya walifwa ni yena? Uli vungu alilamwinyine kuli Yehova. Iye lukepwe wa kukukwasa. Iye katana ka kukumba che Akwa kole je kumakeza nikuliumba kuli yena mba kumukaliata ha manangamo jo.

1 Yoano 3:8

Yoze wakuvulumiona iye wa kuli Ndiapu; mumu chize ku uputukilo Ndiapu kakuvulumiona. Mumu ha chino hanasolola mwe Mwana Zambi hanga akonwone yitanga ya Ndiapu.